З 4 студзеня па 28 лютага ў зале перыядычных выданняў (пам. 106) праходзіць тэматычная выстаўка “Прыгажосць беларускіх гарадоў”.
Горад… Яго гісторыя, жыццё, культурная спадчына… Кожны куток зямлі цікавы па-свойму. Пра выдатныя мясціны вялікіх і малых гарадоў раскажуць матэрыялы данай экспазіцыі.
Гаворачы пра вобраз Беларусі, немагчыма не ўспомніць пра нашыя малыя гарады. Найважнейшай задачай горадабудаўнікоў і архітэктараў сёння з’яўляецца захаванне, а ў радзе выпадкаў і ўзнаўленне аблічча кожнага малога горада. У Рэспубліцы Беларусь рэалізуецца Дзяржаўная комплексная праграма развіцця рэгіёнаў, малых і сярэдніх гарадскіх паселішчаў на 2007–2010 гг. З перспектывамі і задачамі гэтай праграмы знаёмяць публікацыі часопіса “Архитектура и строительство” (2008. – № 2).
Гарады як людзі: у кожнага свой лёс, свой непаўторны выгляд. У іх таксама ёсць свае святы і юбілеі. Сярод матэрыялаў экспазіцыі артыкулы, прысвечаныя 600-годдзю горада Паставы, апублікаваныя ў часопісах “Вокруг света в Беларусь” і “Алеся”.
Гледзячы на карту, няцяжка заўважыць, што Беларусь знаходзіцца ў цэнтры Еўропы. Пра тое, што цэнтр Еўропы распаложаны ў горадзе Полацку, расказваецца ў артыкуле В. Корбута “Як прайсці ў цэнтр Еўропы? ” (Беларусь. – 2009. – № 5. – С. 40–41).
Усяго ж экспазіцыя налічвае каля 40 артыкулаў з часопісаў і газет за апошнія гады.
Кантактны тэлефон: 293-25-87.