З 4 студзеня да 28 лютага ў Нацыянальнай бібліятэцы Беларусі (3-ці паверх, кальцавы калідор) ладзіцца выстаўка серыі “Кніга на ўсе часы”.
Кнігі пісьменнікаў розных часоў і народаў перажылі стагоддзі і з цягам часу не толькі не згубілі вастрыні і актуальнасці, але і набылі новы сэнс, здабылі любоў і прызнанне многіх пакаленняў удзячных чытачоў.
Прапанаваная ўвазе наведвальнікаў выстаўка знаёміць з кнігамі, якія ўвайшлі ў скарбніцу сусветнай літаратуры, найбольш значнымі творамі розных па форме і змесце жанраў: трагедыі, камедыі, балады, гістарычнага і прыгодніцкага рамана, лірычнага верша і паэмы.
Кожная кніжная серыя – гэта адбор абмежаванай колькасці твораў па зададзеным прызнаку ці крытэрыі і нагадвае рекамендацыйны спіс літаратуры. З акіяна кніг чытачу неабходна адабраць самыя, самыя... Самыя неабходныя, цікавыя і таленавітыя. Добрым памочнікам у гэтым выбары стане даная выстаўка, якая ўключае каля 300 выданняў і прызначана для ўсіх аматараў мастацкага слова.
Акрамя таго, экспазіцыя змяшчае сучасныя слоўнікі-даведнікі па літаратуры, энцыклапедыі літаратурных герояў, біяграфічныя даведнікі, вялікія літаратурныя энцыклапедыі. Такія выданні, як “100 персонажей мировой литературы”, “100 величайших книг, которые потрясли мир”, “100 запрещенных книг”, “Книги, которые должен знать современный человек”, паслужаць карыснымі дарадчыкамі ў чытанні. Кніга прадстаўлена таксама і як інструмент бібліятэрапіі.
Кантактныя тэлефоны: 293-28-86, 293-29-80.
 |
 |
 |
 |
 |
 |
