ГалоўнаяНавіныКніжныя выстаўкі
Летапісец беларускай гісторыі
Трагедыя. Гераізм. Памяць.

Праваслаўныя рарытэты

Іншыя навіны

З 22 кастрычніка па 21 лістапада ў музеі кнігі адкрыта выстаўка "Праваслаўныя рарытэты", на якой прадстаўлены найбольш каштоўныя экзэмпляры кірылічнай рукапіснай і старадрукаванай праваслаўнай кнігі з фондаў Нацыянальнай бібліятэкі Беларусі.


У 2008 г. хрысціянскі свет адзначае знамянальную дату — 1020-годдзе Хрышчэння Русі. Упершыню святкаванне юбілею гэтай гістарычнай падзеі, якая паўплывала на ход сусветнай гісторыі, адбываецца на міжнародным узроўні - у буйнейшых гарадах Украіны, Расіі і Беларусі.

У Х ст. разам з хрысціянствам на ўсходнеславянскіх землях узнікла пісьменства і першыя рукапісныя кнігі. Святыя браты Кірыл і Мяфодзій сталі стваральнікамі славянскага алфавіта. Яны пераклалі богаслужбовыя кнігі Свяшчэннага Пісання з грэчаскай на славянскую мову. Гэтыя падзеі сталі вызначальнымі для развіцця ўсходнеславянскай кніжнасці.

На выстаўцы «Праваслаўныя рарытэты» прадстаўлены найбольш каштоўныя экзэмпляры кірылічнай рукапіснай і старадрукаванай праваслаўнай кнігі з фондаў Нацыянальнай бібліятэкі Беларусі.

Першы раздзел знаёміць з унікальнымі рукапіснымі помнікамі XVI–XVIІ стст., сярод якіх евангеллі, служэбнікі, жыціі святых, зборнікі слоў і павучэнняў, у тым ліку і беларускага паходжання.

У другім раздзеле выстаўкі дэманструюцца кірылічныя старадрукаваныя кнігі XVI–XVIІ стст. найбольш вядомых друкарскіх цэнтраў Беларусі (Вільна, Магілёў, Супрасль, Куцейн, Гродна), Расіі (Масква), Украіны (Кіеў, Львоў, Чарнігаў).

Асаблівае месца ў экспазіцыі займаюць арыгіналы кніг Пражскай Бібліі (1517–1519 гг.) беларускага і ўсходнеславянскага першадрукара Францыска Скарыны. Сапраўдны шэдэўр друкарскага мастацтва XVI ст. – Евангелле Пятра Мсціслаўца 1575 г., першае выданне віленскай друкарні братоў Мамонічаў. Каштоўным экспанатам з’яўляецца Астрожская Біблія 1581 г., надрукаваная Іванам Фёдаравым – першы поўны друкаваны пераклад Бібліі на царкоўна-славянскую мову.

У апошнім раздзеле прадстаўлены сучасныя выданні кніг Свяшчэннага Пісання.

У дадатак да выстаўкі праваслаўнай кнігі прадстаўлена невялікая экспазіцыя "Слова і вобраз", якая змяшчае прадметы хрысціянскай старажытнасці з фондаў музейна-навуковай экспазіцыі Інстытута гісторыі НАН Беларусі. Некаторыя з іх знойдзены археолагамі ў ходзе раскопак 2008 г.і дэманструюцца ўпершыню. Экспанаты падзелены на 4 групы; абразкі і крыжы энкалпіёны; пячаткі і пломбы; крыжы нацельныя і царкоўныя рэчы.

Выстаўка археалагічных знаходак праходзіць з 22 кастрычніка па 21 лістапада 2008 года.

Навіны

Статус гісторыка-культурнай каштоўнасці атрымае феномен “Паўлінкі” Купалаўскага тэатра

12 Сне 2019

Статус гісторыка-культурнай каштоўнасці атрымае тэатральны феномен спектакля “Паўлінка” Нацыянальнага акадэмічнага тэатра імя Янкі Купалы. Такую прапанову сёння падтрымаў Беларускі рэспубліканскі навукова-метадычны савет па пытаннях гісторыка-культурнай спадчыны пры Міністэрстве культуры, паведамілі ў Мінкульце.

Навіны бібліятэк

Пра беларускіх ілюстратараў, якія прысвяцілі талент Яе Вялікасці Кнізе

11 Сне 2019

“Я не самотны, я кнігу маю…” – невыпадкова радок з верша Максіма Багдановіча прагучаў на ўрачыстай прэзентацыі кнігі журналіста Вольгі Паўлючэнкі “Малюнак пад кніжнай вокладкай”, якая адбылася 10 снежня ў бібліятэцы.

Навіны Нацыянальнай бібліятэкі Беларусі

Аўдыякалекцыя літаратурнай класікі і сучаснай прозы Беларусі – на старонцы вэб-навігатара “Беларусь у інфармацыйнай прасторы”

11 Сне 2019

Міністэрства інфармацыі Рэспублікі Беларусь прадаставіла ў адкрыты доступ падрыхтаваную выдавецтвам “Вышэйшая школа” калекцыю твораў беларускіх пісьменнікаў, агучаных вядучымі акцёрамі Беларусі.

Навіны Нацыянальнай бібліятэкі Беларусі

Раман Матульскі: “У сучасным свеце няма ведаў канстанты”

10 Сне 2019

6 снежня адбылася сустрэча фіналістаў конкурсу “Студэнт года” з дырэктарам Нацыянальнай бібліятэкі Беларусі, старшынёй грамадска-кансультатыўнага савета па пытаннях адукацыі пры Міністэрстве адукацыі Рэспублікі Беларусь, доктарам педагагічных навук, прафесарам Раманам Матульскім.

Аўтарскі погляд

111