З 25 ліпеня па 13 верасня ў зале дакументаў міжнародных арганізацый (пам. 207g) адкрыта тэматычная выстаўка “МАГАТЭ: учора, сёння, заўтра”, прысвечаная 60-годдзю стварэння Міжнароднага агенцтва па атамнай энергіі.
Міжнароднае агенцтва па атамнай энергіі (МАГАТЭ) з’яўляецца вядучым сусветным міжнародным урадавым форумам навукова-тэхнічнага супрацоўніцтва ў галіне мірнага выкарыстання ядзерных тэхналогій. Агенцтва створана як незалежная міжурадавая арганізацыя ў сістэме ААН ў 1957 годзе.
Статут МАГАТЭ зацверджаны на ўстаноўчай канферэнцыі ў Нью-Ёрку 23 кастрычніка 1956 года і ўступіў у сілу 29 ліпеня 1957 года. На сёння членамі МАГАТЭ з’яўляюцца 168 дзяржаў. Штаб-кватэра арганізацыі знаходзіцца ў Вене.
Кіруючы орган агенцтва – Генеральная канферэнцыя ўсіх краін-членаў. Яна збіраецца адзін раз у год. Бягучую працу ажыццяўляе Сакратарыят, які ўзначальвае генеральны дырэктар, з 2009 года і па сёння – Юкія Амана (Японія).
Статутнымі мэтамі агенцтва з’яўляюцца садзейнічанне развіццю атамнай энергетыкі і ядзерных тэхналогій; забеспячэнне ядзернай і радыяцыйнай бяспекі; садзейнічанне правядзенню навукова-даследчых работ у галіне ядзернай энергетыкі і тэхналогій.
Найважнейшы кірунак дзейнасці МАГАТЭ – забеспячэнне сістэмы гарантый нераспаўсюджання ядзернай зброі. Гарантыі – гэта комплекс мерапрыемстваў, ажыццяўляючы якія МАГАТЭ імкнецца пацвердзіць, што дзяржава выконвае свае міжнародныя абавязацельствы не выкарыстоўваць ядзерныя праграмы ў мэтах стварэння ядзернай зброі. Большая частка пагадненняў аб гарантыях заключана з дзяржавамі, якія на міжнародным узроўні на аснове глабальнага Дагавора аб нераспаўсюджванні ядзернай зброі (ДНЯЗ), адпаведна з якім МАГАТЭ з’яўляецца органам, які ажыццяўляе праверку, – узялі на сябе абавязацельства не валодаць ядзернай зброяй. На сёння пагадненні аб гарантыях з МАГАТЭ заключылі 180 дзяржаў, якія адкрылі свае ядзерныя праграмы для крытычнай праверкі інспектарамі МАГАТЭ.
Рэспубліка Беларусь з’яўляецца адной з дзяржаў – заснавальніц МАГАТЭ. Беларусь мае развітую дагаворна-прававую базу супрацоўніцтва з агенцтвам. Наша краіна – удзельніца шэрага міжнародных дагавораў пад эгідай МАГАТЭ, уключаючы Канвенцыю аб ядзернай бяспецы, Канвенцыю аб аператыўным апавяшчэнні аб ядзернай аварыі, Канвенцыю аб дапамозе ў выпадку ядзернай аварыі або радыяцыйнай аварыйнай сітуацыі і іншыя прававыя акты.
Узаемадзеянне ў галіне нераспаўсюджвання ядзернай зброі ажыццяўляецца ў рамках Пагаднення аб прымяненні гарантый паміж Рэспублікай Беларусь і МАГАТЭ, у адпаведнасці з чым на тэрыторыі нашай краіны праводзяцца рэгулярныя інспекцыі МАГАТЭ.
Наша дзяржава ўзаемадзейнічае з МАГАТЭ па прыярытэтных напрамках з пункту гледжання рэалізацыі нацыянальных інтарэсаў. Ключавымі сферамі супрацоўніцтва з’яўляюцца развіццё ядзерна-энергетычнай сістэмы, умацаванне ядзернай і радыяцыйнай бяспекі, сістэмы падрыхтаванасці і рэагавання ў выпадку ядзернай або радыяцыйнай аварыйнай сітуацыі, ажыццяўленне гарантый МАГАТЭ, прымяненне ядзерных тэхналогій у медыцыне, рэабілітацыя рэгіёнаў, пацярпелых ад аварыі на Чарнобыльскай АЭС.
Прапанаваная чытачам выстаўка налічвае каля 80 дакументаў. Большую частку экспазіцыі складаюць дакументы МАГАТЭ на рускай і англійскай мовах: кнігі, перыядычныя выданні, мімеаграфаваныя матэрыялы, брашуры, буклеты.
Экспазіцыя ўключае наступныя тэматычныя раздзелы:
- Гісторыя стварэння, мэты і функцыі МАГАТЭ
- МАГАТЭ і нераспаўсюджванне ядзернай зброі
- Нарматыўна-прававыя дакументы МАГАТЭ
- Навуковыя праграмы МАГАТЭ
- Дзейнасць МАГАТЭ ў галіне тэхнічнай дапамогі і супрацоўніцтва
- Рэспубліка Беларусь і МАГАТЭ
Выстаўка будзе цікавая спецыялістам у галіне раззбраення і бяспекі, атамнай энергетыкі, міжнародных адносін, інжынерна-тэхнічным работнікам, эколагам, палітолагам, сацыёлагам, а таксама студэнтам, аспірантам і выкладчыкам ВНУ.
Карысныя спасылкі
- Сайт МАГАТЭ
- Сайт ААН аб МАГАТЭ
- Чарнобыльская катастрофа
- Ядзерная праграма Ірана
- Ядзерная праграма КНДР
- Канферэнцыя 2005 года ўдзельнікаў Дагавора аб нераспаўсюджанні ядзернай зброі (ДНЯЗ) па разглядзе дзеяння Дагавора (2–27 мая 2005 года)
- Канферэнцыя 2010 года ўдзельнікаў Дагавора аб нераспаўсюджанні ядзернай зброі (ДНЯЗ) па разглядзе дзеяння Дагавора (3–10 мая 2010 года)
- Канферэнцыя 2015 года па разглядзе дзеяння Дагавора аб нераспаўсюджванні ядзернай зброі (27 кастрычніка – 22 мая 2015 года)
- Пытанні раззбраення
- Дэпартамент па ядзернай і радыяцыйнай бяспецы Міністэрства па надзвычайных сітуацыях Рэспублікі Беларусь (Дзяржатамнагляд)
- Сістэма нарматыўна-прававога рэгулявання ядзернай і радыяцыйнай бяспекі
- Нацыянальны даклад Рэспублікі Беларусь аб выкананні канвенцыі аб ядзернай бяспецы
- Аб правядзенні місіі МАГАТЭ ў Беларусі
- Міжнародныя абавязацельствы Рэспублікі Беларусь па забеспячэнні ядзернай і радыяцыйнай бяспекі
Асноўныя дакументы і пубікацыі
- Штогадовыя даклады
- Статут
- Канвенцыі і пагадненні па ядзернай бяспецы
- МАГАТЭ: агульныя звесткі
- Міжнародная шкала ядзерных і радыелагічных падзей
- Цэнтр па інцыдэнтах і аварыйных сітуацыях
- Садзейнічанне забеспячэнню фізічнай ядзернай бяспекі: што робіць МАГАТЭ
- Садзейнічанне павышэнню бяспекі на ядзерных устаноўках
- Збеднены ўран
- Павышэнне прадукцыйнасці сельскай гаспадаркі
- Паляпшэнне здароўя людзей
- Кіраванне воднымі рэсурсамі з выкарыстаннем ізатопнай гідралогіі