ГалоўнаяНавіныКніжныя выстаўкі
Удзел у Каладзееўскіх чытаннях
Візіт у Нямецкі гістарычны музей

Ілюстраваная Біблія

Ілюстраваная Біблія
Іншыя навіны

У рамках экспазіцыі "Брама кніжных скарбаў" у музеі кнігі разгорнута выстаўка "Ілюстраваная Біблія", на якой прадстаўлены асобнікі выданняў ХVІ–XХI стст.


Ілюстраваныя кнігі Бібліі ствараліся на працягу ўсёй гісторыі хрысціянства. Біблейскія тэксты на пергаментных скрутках і кодэксах ужо змяшчалі маляваныя мініяцюры. З вынаходніцтвам кнігадрукавання гэта традыцыя атрымала актыўнае развіццё. Раннія друкаваныя ілюстраваныя Бібліі ўпрыгожваліся выявамі, зробленымі з драўляных клішэ, – ксілаграфіяй. Прыкладам такога выдання з’яўляецца "Біблія Леапаліта" (Biblia to iest Xięgi Stharego y Novego Zakonu… Krákow, 1561) – першы друкаваны пераклад Бібліі на польскую мову (перакладчык Ян Ніч са Львова "Leopolita" – "Львавянін") са шматлікімі гравюрамі на біблейскія сюжэты, надрукаваны знакамітым кракаўскім выдаўцом М. Шарфенбергам.

Паступова ксілаграфія саступіла месца больш якасным адбіткам з медных пласцін – афорту. Мастакі ХVII–XVIII стст. лепшыя творы прысвячалі сюжэтам Святога Пісання. Яркі прыклад афармлення Пісання ў першай палове XVII ст. дэманструе Біблія з гравюрамі знакамітага швейцарскага мастака і гравёра М. Мерыяна (Merian M. Biblia. Durch Mattheus Merian von Basel. [Franckfurt], 1627).

У XVIII ст. цэнтрам выдання гравіраваных біблейскіх альбомаў былі Нідэрланды. Адной з прыгажэйшых галандскіх Біблій стаў зборнік, надрукаваны П. дэ Хондам (Taferelen der voornaamste geschiedenissen van het oude en nieuwe testament, en andere boeken, bij de heilige schrift gevoegt, door de vermaarde kunstenaars Hoet, Houtbraken, en Picart getekent, en van de beste meesters in koper gesneden, en met beschrijvingen uitgebreid. V. 2. Graavenhaage: Pieter de Hondt, 1728) і багата ілюстраваны творамі галандскіх мастакоў і гравёраў Г. Хута (G. Hoet) і Я. Хаўбракена (J. Houbraken), а таксама вядомага французскага майстра афорта Б. Пікара (B. Picart).

126 выдатных хромалітаграфій класічных майстроў на сюжэты Святога Пісання змяшчае "Залатая Біблія класікаў…" (Biblia złota klasyków… Wiedeń, [1898]) у перакладзе на польскую мову. Асобнік мае ўнікальную выдавецкую скураную аправу з цісненнем і залачэннем, латуннымі накладкамі і зашпількай.

Экспазіцыйны раздзел дапоўнены першым выданнем Рымскага Імшала ў перакладзе на беларускую мову ("Рымскi Iмшал для дыяцэзій на Беларусi…" Мінск, 2004). Гэта ж выданне з’яўляецца першым перакладам трэцяй рэдакцыі Імшала на нацыянальныя мовы. Асобнік атрыманы ў дар ад кардынала Казіміра Свёнтка, Арцыбіскупа Мiтрапалiта Мінска-Магілёўскага. У кнігу ўкладзены дароўны ліст з асабістым подпісам кардынала. Дэманструецца факсімільнае выданне Слуцкага Евангелля 1582 (Святое Евангелие. Слуцк, 1582. Мінск, 2009) з прадмовай Мітрапаліта Мінскага і Слуцкага, Патрыяршага Экзарха ўсяе Беларусі Філарэта, а таксама яго асабістым подпісам.

Выстаўка будзе працаваць да 2 лютага 2015 г.

 

Навіны

Пра галоўную бібліятэку краіны – у эфіры “Беларусь 1”

13 Ліп 2020

Нацыянальная бібліятэка Беларусі з'яўляецца адной з галоўных славутасцей Рэспублікі. У 2006 годзе беларускі “алмаз ведаў” стаў наватарам не толькі ў архітэктурных, але і ў тэхналагічных рашэннях. Сярод чытачоў цяпер прадстаўнікі 120 краін свету. Гэта стала магчымым дзякуючы інфармацыйным трэндам, якія падхопліваюць супрацоўнікі ўстановы.

Навіны Нацыянальнай бібліятэкі Беларусі

Фотавыстава “Беларусь: прыгожыя імгненні” прэзентавана ў Польшчы

13 Ліп 2020

2 ліпеня ў Музеі Незалежнасці ў Варшаве Пасольствам Рэспублікі Беларусь у Рэспубліцы Польшча было арганізавана мерапрыемства, прысвечанае святкаванню Дня Незалежнасці Рэспублікі Беларусь і 75-годдзю Перамогі ў Вялікай Айчыннай вайне.

Навіны Нацыянальнай бібліятэкі Беларусі

Беларускія кнігі ў дар Цэнтру беларускай культуры ў Даўгаўпілсе

10 Ліп 2020

Нацыянальная бібліятэка Беларусі працягвае аказваць падтрымку аб’яднанням беларускай дыяспары ў замежных краінах у межах дабрачыннай акцыі “Пра Беларусь – беларусам замежжа”, садзейнічаючы распаўсюджванню інфармацыі пра нашу краіну, папулярызацыі інфармацыйных рэсурсаў, якія адлюстроўваюць багацце яе гісторыка-культурнай і прыроднай спадчыны.

Навіны Нацыянальнай бібліятэкі Беларусі

На ўзвышшы жыцця і літаратуры: да 120-годдзя з дня нараджэння Уладзіміра Дубоўкі

14 Ліп 2020

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

9 Ліп 2020

Вядомы музыка, краяўзнаўца, пісьменнік Юры Несцярэнка дэбютаваў як дзіцячы аўтар: у мінскім выдавецтве “Каўчэг” выйшла яго кніга для малодшых школьнікаў на беларускай мове “Чароўныя назвы”.

Навіны бібліятэк

111