З 22 жніўня па 25 верасня ў зале выяўленчых і відэадакументаў (пам. 307) праходзіць выстаўка “Эпоха новага мыслення”, прысвечаная 140-годдзю з дня нараджэння англійскага рысавальшчыка, ілюстратара Обры Бёрдслея (1872–1898).
Обры Вінцэнт Бёрдслей (Бёрдслі) – адзін з самых выдатных графікаў і мастакоў апошняга часу, чалавек, якога смела можна назваць бацькам стылю мадэрн. Ён пражыў усяго 25 гадоў, але здолеў “заваяваць” свет пры дапамозе маленькіх замалёвак, шаржаў, карашкоў для кніг і віньетак для афармлення чырвоных радкоў.
Асабліва ярка талент маладога мастака раскрыўся ў кніжнай ілюстрацыі. На выстаўцы прадстаўлена першая вялікая работа Бёрдслея, якая прынесла яму вядомасць – цыкл ілюстрацый да сярэдневяковага рамана Т. Мелары “Смерць Артура” (1892–1894). З гэтага выдання і з удзелу ў выпусках мастацкага часопіса “Савой” пачалася яго прафесійная дзейнасць.
На выстаўцы прадстаўлена звыш 60 дакументаў: кнігі, часопісы і рэпрадукцыі графічных карцін мастака. Дапаўняюць экспазіцыю рэпрадукцыі работ мастакоў-графікаў, апублікаваныя ў рускім часопісе “Весы”. Адзін з яго нумароў прысвечаны творчасці Обры Бёрдслея.
Выстаўка разлічана на ўсе катэгорыі чытачоў, якія цікавяцца творчасцю О.В. Бёрдслея, а таксама гісторыяй англійскай графікі другой паловы XIX ст.
Кантактны тэлефон: (8 017) 293 27 58.
 |
 |
 |
||||||||||||||||||||||||||||||||||||||||||||||||||||||||||||
 |
 |
 |
||||||||||||||||||||||||||||||||||||||||||||||||||||||||||||
 |
 |
 |
||||||||||||||||||||||||||||||||||||||||||||||||||||||||||||
 |
 |
 |
||||||||||||||||||||||||||||||||||||||||||||||||||||||||||||
 |
 |
 |
||||||||||||||||||||||||||||||||||||||||||||||||||||||||||||
 |
 |
 |
||||||||||||||||||||||||||||||||||||||||||||||||||||||||||||
 |
 |
