З 1 сакавіка ў зале выяўленчых і відэадакументаў (пам. 307) увазе наведвальнікаў прапанавана выстаўка “Электронныя выданні з фондаў Нацыянальнай бібліятэкі Беларусі”.
На стэндах прадстаўлены электронныя дакументы разнастайнай тэматыкі. Матэрыял сістэматызаваны па наступных раздзелах: “Рэспубліка Беларусь”, “Выданні Нацыянальнай бібліятэкі Беларусі”, “Прысвячаецца Вялікай Перамозе”, “Мастацтва”, “Культура”, “Мастацкія фільмы”. Сярод экспанатаў – “Сусветная гісторыя жывапісу”, “Сапегіяна: кніжны збор роду Сапег”, “Найпрыгажэйшыя гарады свету”, “Паклонімся вялікім тым гадам: 65-годдзю Вялікай Перамогі прысвячаецца”, “Крышталь душы”, “Сардэчна запрашаем у Мінск!”, “Наша кінакласіка” і многія іншыя.
Выстаўка будзе доўжыцца да канца года і перыядычна будзе абнаўляцца за кошт новых паступленняў. На дадзены момант экспазіцыя налічвае каля 80 дакументаў, і гэта толькі малая частка таго, што маецца ў фондзе бібліятэкі.
Тэхнічныя магчымасці залы дазволяць наведвальнікам не толькі азнаёміцца з электроннымі выданнямі, прадстаўленымі на выстаўцы, але і папрацаваць з любым з іх. Акрамя таго, дзяжурны бібліятэкар залы дасць кансультацыю па пошуку дакументаў у электронным каталогу і заказе іх у чытальную залу.
Кантактны тэлефон: 293-27-58.
 |
 |
 |
 |
 |
 |
 |
 |
 |
