З 10 кастрычніка па 12 лістапада ў зале беларускай літаратуры (пам. 205) праходзіць выстаўка “Чалавек. Асоба. Творца”, прысвечаная 75-годдзю беларускага пісьменніка і дзяржаўнага дзеяча М.І. Чаргінца.
Мікалай Іванавіч – афіцэр-афганец, генерал-лейтэнант Міністэрства ўнутраных спраў, старшыня грамадскага аб’яднання “Саюз пісьменнікаў Беларусі”, старшыня Пастаяннай камісіі па міжнародных справах і нацыянальнай бяспецы Рэспублікі Беларусь.
На творчым рахунку таленавітага пісьменніка, публіцыста, лаўрэата міжнародных літаратурных прэмій імя А. Фадзеева і В. Пікуля і інш., лаўрэата рэспубліканскіх прэмій больш за 50 навуковых прац у галіне правазнаўства, больш за 40 мастацкіх твораў, некалькі кінасцэнарыяў і сцэнарыяў спектакляў паводле ўласных раманаў.
Экспазіцыя знаёміць наведвальнікаў з мастацкімі творамі М.І. Чаргінца, сярод якіх раманы “Вам – задание” (1982), “За секунду до выстрела” (1983), “Сыновья” (1989), “Илоты безумия” (1997), “Киллер” (1999), “Тайна овального кабинета” (2001), “Выстрел в прошлое” (2006), “Логово змей” (2007), “Кровавые метры” (2008), “Рискованная игра” (2009); аповесці “Четвёртый след” (1973), “Тревожная служба” (1975), “Следствие продолжается” (1977), “Служба – дни и ночи” (1981), “Свадьбы не будет” (2000), “Приказ № 1” (2003) і інш.
Шматлікія мастацкія творы пісьменніка выдадзены ў серыях “Уголовный розыск”, “Чёрный квадрат”, “Мастера современного детектива”, “Бібліятэка Саюза пісьменнікаў Беларусі”, “Современная фантастика” і інш.
Асобным блокам на выстаўцы прадстаўлены энцыклапедычныя выданні і часопісы з публікацыямі пра юбіляра, аўтарамі якіх з’яўляюцца В. Быкаў, А. Юр'еў, С. Саладоўнікаў і інш.
Кантактны тэлефон: (8 017) 293 27 16.
 |
 |
 |
 |
 |
 |
