ГалоўнаяНавіныКніжныя выстаўкі
Галерэя герояў вызваленчага руху Венесуэлы
III Мінская міжнародная выстаўка графікі “Арт-лінія”

Бяспечная праца і культура аховы працы

Бяспечная праца і культура аховы працы
Іншыя навіны

З 16 красавіка па 6 мая ў зале дакументаў міжнародных арганізацый (пам. 207g) ладзіцца тэматычная кніжная выстаўка "Бяспечная праца і культура аховы працы", прысвечаная Сусветнаму дню аховы працы.


Гэты Дзень штогод адзначаецца 28 красавіка з 2003 года па рашэнні Міжнароднай арганізацыі працы (МАП). Сёння гэта свята агульнасусветнага маштабу, якое распаўсюджана больш як у 100 дзяржавах планеты. Гісторыя Сусветнага дня аховы працы пачынаецца з 1989 года, калі прафсаюзамі і працаўнікамі быў праведзены "Дзень памяці загінуўшых працаўнікоў" у ЗША і Канадзе ў памяць аб тых, хто пацярпеў або загінуў на працоўным месцы.

Сусветны дзень аховы працы заснаваны з мэтай прыцягнення ўвагі грамадскасці да маштабаў праблемы вытворчага траўматызму і прафзахворванняў, а таксама да таго, якім чынам стварэнне і ажыццяўленне культуры аховы працы можа спрыяць паніжэнню штогадовай смяротнасці працаўнікоў. Культура аховы працы азначае:

  • прыярытэтную ролю прафілактыкі ў галіне аховы працы;
  • выкарыстанне ўсіх магчымасцей для асветы і распаўсюджвання ведаў пра вытворчую рызыку, пра кантроль над ёй і яе прафілактыку;
  • актыўны ўдзел урада, работнікаў і работадаўцаў у стварэнні бяспечных і здаровых умоў працы праз выразна сфармуляваную сістэму праў і абавязкаў;
  • забеспячэнне права на бяспечныя і здаровыя ўмовы працы на ўсіх узроўнях.

Вялікая частка насельніцтва свету праводзіць звыш трэці свядомага жыцця на працоўным месцы, уносячы свой уклад у развіццё грамадства. Калі жыццё на працоўным месцы падвяргаецца небяспецы, то знікае аснова для прадуктыўнай занятасці і сацыяльна-эканамічнага развіцця. Таму правядзенне Сусветнага дня аховы працы ставіць у цэнтр увагі адну з асноўных ідэй МАП: годная праца – гэта бяспечная праца. Тры асноўныя правілы, якія адлюстраваны ва ўсіх стандартах МАП, прысвечаных ахове працы, і ў палітыцы МАП у гэтай сферы, тычацца наступнага:

  • працу трэба ажыццяўляць ва ўмовах здаровага і бяспечнага вытворчага асяроддзя;
  • умовы працы не могуць наносіць шкоду здароўю працаўніка і зневажаць яго чалавечую годнасць;
  • праца павінна даваць рэальную магчымасць для развіцця асобы, самарэалізацыі і служэння грамадству.

Па ацэнках Міжнароднай арганізацыі працы, штогод у выніку няшчасных выпадкаў на вытворчасці і прафесійных захворванняў у свеце памірае два мільёны чалавек. Гэта каля шасці тысяч працоўных штодня, прычым колькасць загінуўшых штогод расце на 10 %. Яшчэ 270 мільёнаў становяцца ахвярамі няшчасных выпадкаў на вытворчасці. Акрамя гэтага, штогод рэгіструецца 160 мільёнаў чалавек, якія пакутуюць ад прафзахворванняў. МАП падкрэслівае, што 4 % сусветнага ВУП губляюцца ў выніку дрэнных умоў працы і няшчасных выпадкаў на вытворчасці.

Да Сусветнага дня аховы працы 2010 года МАП заклікае органы дзяржаўнай улады, аб’яднанні работадаўцаў і работнікаў арганізаваць у рамках сваёй дзейнасці інфармацыйна-тлумачальную кампанію, прысвечаную прадухіленню звязаных з працай няшчасных выпадкаў і захворванняў. МАП заклікае таксама ўсіх работнікаў думаць пра бяспечныя ўмовы працы на сваіх працоўных месцах, рабіць усё магчымае для іх паляпшэння, для прадухілення траўмаў і захворванняў не толькі 28 красавіка, але і пастаянна.

У Рэспубліцы Беларусь праводзіцца значная работа па забеспячэнні функцыянавання дзяржаўнай сістэмы кіравання аховай працы. Сфарміравана нацыянальная нарматыўная прававая база, ажыццяўляюцца дзяржаўны нагляд і грамадскі кантроль за выкананнем заканадаўства аб працы. Мэтай дзяржаўнага кіравання аховай працы з’яўляецца стварэнне ўмоў, якія забяспечваюць захаванне жыцця і здароўя грамадзян падчас працоўнай дзейнасці.

На выстаўцы прадстаўлена больш за 60 дакументаў на рускай і англійскай мовах. Вялікую частку экспазіцыі складаюць дакументы МАП: кнігі, брашуры, мімеаграфаваныя матэрыялы, перыядычныя выданні, буклеты.

Экспазіцыя ўключае наступныя тэматычныя раздзелы:

  • бяспечная праца –права кожнага чалавека;
  • нормы, стандарты, канвенцыі і рэкамендацыі МАП у галіне аховы працы;
  • сістэма аховы працы ў Рэспубліцы Беларусь;

Выстаўка прызначана для спецыялістаў у галіне аховы працы і міжнароднага працоўнага права, эканомікі працы і сацыяльных адносін, кіраўнікоў і спецыялістаў органаў дзяржаўнай улады і прафсаюзаў, а таксама для студэнтаў, аспірантаў і навуковых супрацоўнікаў.

Карысныя спасылкі

Публікацыі па ахове і бяспецы працы

Навіны

1 Кра 2020

Яго імя згадваецца разам з малодшым братам, класікам Максімам Багдановічам. І ролю старэйшага брата ў станаўленні пісьменніка і грамадзяніна недаацэньваць нельга. Менавіта таму супрацоўнікі музея працягваюць пошукі матэрыялаў, звязаных з В. Багдановічам, даследуюць матэрыялы, якія захоўваюцца ў фондах розных музеяў і архіваў.

Навіны бібліятэк

1 красавіка 1945 года. 39 дзён да Перамогі

1 Кра 2020

Дырэктыва Стаўкі Вярхоўнага галоўнакамандуючага аб правядзенні наступальнай аперацыі на Берлін. Узяцце крэпасці Глогау. Акружэнне саюзнікамі рурскай групоўкі нямецкіх войскаў. Аднаўленне Мінска. Гастролі Дзяржаўнага літоўскага джаз-аркестра. Канферэнцыя бібліятэкараў Масквы. Газеты: “Звязда” (№ 60, 61), “Большэвік Палесся” Палескай (цяпер ліквідаванай) вобласці (№ 151), “Искра” Валожынскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

31 сакавіка 1945 года. 40 дзён да Перамогі

31 Сак 2020

Указ аб узнагароджанні ордэнам “Перамога”. Наступленне саюзнікаў. Зварот сялян Гродзенскай вобласці. Набор на рабочыя спецыяльнасці. Гастролі Дзяржаўнага рускага драматычнага тэатра БССР. Газеты: “Звязда” (№ 59), “Советская Белоруссия” (№ 58), “Гродненская правда” (№ 43).

Праект “100 дзён да Вялікай Перамогі. Па старонках беларускіх газет 1945 г.”

31 Сак 2020

Ці можа дапамагчы рэальны мінулы ці ўяўны літаратурны досвед нам, сучасным, у разуменні і пражыванні новай паляндры – каранавіруса? Так, напрыклад, французы, італьянцы, бельгійцы перачытваюць А. Камю: як толькі абвясцілі пра новы вірус, узняўся продаж эсэ А. Камю "Паляндра". А што могуць пачытаць беларусы?

Навіны бібліятэк

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

111