16 красавіка ў Нацыянальнай бібліятэцы Беларусі адбылося адкрыццё мастацкай выстаўкі “Галерэя герояў вызваленчага руху Венесуэлы”
Выстаўка прысвечана 200-годдзю з пачатку вызваленчага руху за нацыянальную незалежнасць Венесуэлы.
Партрэты герояў і карціны самых важных бітваў пятнаццацігадовай вайны 1810–1825 гг. знаёмяць беларускую грамадскасць з гісторыяй краіны, якая на працягу доўгіх гадоў змагалася за суверэнітэт і незалежнасць, мір і згоду.
Гасцей вернісажу віталі Надзвычайны і Паўнамоцны Пасол Баліварыянскай Рэспублікі Венесуэла ў Рэспубліцы Беларусь Амерыка Дыяс Нуньес і намеснік дырэктара Нацыянальнай бібліятэкі Беларусі па навуковай рабоце і сувязях з грамадскасцю Людміла Генадзьеўна Кірухіна.
Сваёй музычнай творчасцю ўсіх прысутных парадаваў венесуэльскі гітарыст Даніэль Марчан.
Выстаўка будзе доўжыцца да 14 мая ў галерэі "Панарама" (22-гі паверх). Плата за ўваход складае кошт наведвання агляднай пляцоўкі Нацыянальнай бібліятэкі Беларусі.