20 красавіка а 17-й гадзіне ў галерэі “Ракурс” Нацыянальнай бібліятэкі Беларусі адбудзецца ўрачыстае адкрыццё III Мінскай міжнароднай выстаўкі графікі “Арт-лінія”.
Мерапрыемства такога ўзроўню пройдзе ў Беларусі ўжо ў трэці раз. Свае графічныя работы прадставяць мастакі з Іспаніі, Украіны, Расіі, Беларусі, Латвіі, Літвы, Эстоніі, Славеніі.
У рамках выстаўкі будзе арганізаваны конкурс, вынікі якога падвядзе аўтарытэтнае міжнароднае журы. Ганаровым госцем у гэты раз выступіць вядомы славенскі майстар графікі Фелікс Караль.
Упершыню ў Мінскую міжнародную выстаўку графікі “Арт-лінія” будзе ўключана рэтрапраграма – паказ літаграфій англійскага графіка і архітэктара Джозэфа Нэша (1809–1878), вядомага ў Еўропе сваімі архітэктурнымі пейзажамі і жанравымі сцэнамі. Даная экспазіцыя стане першай прэзентацыяй фондаў графікі Нацыянальнай бібліятэкі Беларусі.
Выстаўка графікі "Арт-лінія" будзе праходзіць у галерэях “Ракурс”, “Лабірынт” і “Атрыум” да 11 чэрвеня 2010 г.
Тэлефон для даведак: 293-27-67.
Е-mail: pr@nlb.by