З 1 па 28 сакавіка ў зале перыядычных выданняў (пам. 106) праходзіць тэматычная выстаўка "Адкрый сябе для жыцця".
Матэрыялы экспазіцыі закранаюць пытанні пра згубны ўплыў алкагалізму і п’янства на жыццё грамадства і меры па процідзеянні гэтым з’явам.
Пра адмысловую ўвагу, якую дзяржава надае дадзенай праблеме, сведчыць шэраг дакументаў, прадстаўленых на выстаўцы. Сярод іх – Дырэктыва Прэзідэнта Рэспублікі Беларусь ад 11 сакавіка 2004 г. № 1 "О мерах по укреплению общественной безопасности и дисциплины", Дзяржаўная праграма нацыянальных дзеянняў па папярэджанні і пераадоленні п’янства і алкагалізму на 2011–2015 гады, зацверджаная 11.01.2011, і інш.
У публікацыях, якія склалі экспазіцыю, паднімаюцца пытанні выяўлення прычын і ўмоў, спрыяльных спажыванню алкаголю, неабходнасць правядзення мерапрыемстваў па прафілактыцы п’янства сярод дзяцей і моладзі, важнасць фармавання здаровага ладу жыцця ў насельніцтва. З дадзенымі матэрыяламі наведвальнікаў выстаўкі пазнаёмяць такія перыядычныя выданні, як "Советская Белоруссия", "Знамя юности", "Вестник ЗОЖ", "Переходный возраст", "Здаровы лад жыцця", "Здоровье и успех", "Законность и правопорядок", "Охрана труда и техника безопасности", "Сацыяльна-педагагічная работа", "Мир медицины" і інш.
Усяго экспазіцыя налічвае каля 40 перыядычных выданняў.
Кантактны тэлефон: 293-25-87.
 |
 |
|||||||
 |
 |
