Віртуальная чытальная зала запрашае навучэнцаў, выкладчыкаў, навуковых супрацоўнікаў і аўтараў публікацый прыняць удзел у вэбінарах на платформе Znanium.
Нашы карыстальнікі даўно знаёмыя з аднайменнай электронна-бібліятэчнай сістэмай (ЭБС). У дапамогу эфектыўнай арганізацыі навукова-даследчай і публікацыйнай дзейнасці кампанія “Знаниум” праводзіць рэгулярны цыкл навучальных анлайн-мерапрыемстваў па найбольш актуальных пытаннях. Сярод іх – асаблівасці выкарыстання ЭБС, эфектыўны пошук літаратуры, выбар выдання для публікацыі, падрыхтоўка рукапісаў для выданняў і інш.
Удзел у вэбінарах бясплатны. Расклад і рэгістрацыя – на сайце ЭБС Znanium.
Нагадваем, што ЭБС Znanium разам з іншымі вядучымі электроннымі інфармацыйнымі рэсурсамі даступная для ўсіх зарэгістраваных карыстальнікаў Нацыянальнай бібліятэкі Беларусі.
Віртуальная чытальная зала жадае вам плённай працы і навуковых адкрыццяў!
Матэрыял пададзены аддзелам карпаратыўнага ўзаемадзеяння.
