Для чытачоў Нацыянальнай бібліятэкі і нашых партнёраў па віртуальнай чытальнай зале адкрыты тэставы доступ да інфармацыі Рэсурснага цэнтра замежных моў на платформе электронна-бібліятэчнай сістэмы “Універсітэцкая бібліятэка анлайн”.
Рэсурсны цэнтр замежных моў змяшчае больш за 4 000 адукацыйных і навуковых электронных матэрыялаў па замежных мовах ад вядучых расійскіх і замежных выдавецтваў. Дзякуючы гэтаму сэрвісу вы зможаце пачаць і працягнуць вывучэнне многіх дзясяткаў славянскіх, еўрапейскіх, усходніх, афрыканскіх і старажытных моў: англійскай, нямецкай, іспанскай, венгерскай, сербскай, кітайскай, арабскай, інданезійскай, эфіёпскай, нігера-кангалезскай, а таксама старажытнагрэчаскай, лацінскай, санскрыту і інш. Для тых, хто вывучае рускую мову, адкрыты спецыяльны раздзел “Руская мова як замежная”.
У дапамогу эфектыўнаму навучанню прадстаўлены манаграфіі і навучальныя дапаможнікі, мастацкая літаратура на мове арыгіналаў, аўдыякніжкі, а таксама трэнажоры і тэсты для трэніроўкі і праверкі ведаў.
Тэставы доступ адкрыты па 31 снежня 2023 года.
Запрашаем вас у нашы чытальныя залы!
Матэрыял пададзены аддзелам карпаратыўнага ўзаемадзеяння.
