19 сакавіка ў Нацыянальнай бібліятэцы прайшоў семінар “Электронная бібліятэчная сістэма BOOK.ru – інфармацыйная падтрымка адукацыйнага і навуковага працэсу”.
Удзельнікам семінара быў прадстаўлены агляд кантэнту ЭБС BOOK.ru. Асаблівая ўвага нададзена функцыяналу рэсурсу: рэгістрацыі карыстальнікаў, падключэнню да АБІС, LMS Moodle з магчымасцямі бясшвовага пераходу, атрыманню статыстыкі. Прадэманстравана новаўвядзенне ЭБС – мабільная праграма сістэмы з магчымасцямі запампоўкі і чытання кніг афлайн.
Мадэратар семінара – начальнік інфармацыйнага цэнтра Нацыянальнай бібліятэкі Беларусі Ала Шарамецьева.
Спікерамі выступілі дырэктар па продажах электронных прадуктаў ТАА “КноРус медыя” Алена Святлова, кіраўнік групы тэхнічнай падтрымкі ЭБС BOOK.ru Васіль Ульянаў.
Па выніках семінара ўсе ўдзельнікі атрымалі сертыфікаты аб праходжанні навучання працы з ЭБС BOOK.ru.
Віртуальная чытальная зала працягвае знаёмства з вядучымі электроннымі інфармацыйнымі рэсурсамі і заўсёды адкрыта для супрацоўніцтва!
Матэрыял пададзены аддзелам карпаратыўнага ўзаемадзеяння.
