14 чэрвеня ў бібліятэцы адбыўся семінар-прэзентацыя, прысвечаны электронна-бібліятэчнай сістэме (ЭБС) “Айбукс”.
ЭБС “Айбукс” змяшчае поўныя тэксты сучаснай вучэбнай, навуковай і дзелавой літаратуры па розных напрамках: IT, эканоміка, менеджмент, юрыспрудэнцыя, педагогіка, медыцына, бібліятэчная справа, культура, мастацтва і інш. Гэта больш за 40 000 выданняў ад 150 расійскіх выдавецтваў.
Запрошаным спікерам семінара выступіла прадстаўнік кампаніі “Айбукс” Таццяна Шайдук. Яна пазнаёміла ўдзельнікаў з аднайменным рэсурсам, яго асаблівасцямі і перавагамі выкарыстання. Былі прадстаўлены структурныя складнікі ЭБС і прадэманстраваны тэхнічныя аспекты працы для бібліятэкараў і чытачоў. Асаблівая ўвага была нададзена эксклюзіўнаму кантэнту – кнігам пецярбургскіх выдавецтваў “Питер” і “БХВ-Петербург”.
Нагадваем, што тэставы доступ да ЭБС “Айбукс” адкрыты для ўсіх карыстальнікаў Нацыянальнай бібліятэкі Беларусі па 31 ліпеня 2023 года.
Віртуальная чытальная зала запрашае да супрацоўніцтва ўсе зацікаўленыя арганізацыі нашай краіны па пытаннях падпіскі на ліцэнзійныя базы даных і навучання працы з імі.
Рады сустрэчы з вамі!
Матэрыял пададзены аддзелам карпаратыўнага ўзаемадзеяння.