Віртуальная чытальная зала НББ працягвае працу па прадстаўленні магчымасцей выкарыстання электронных інфармацыйных рэсурсаў ва ўніверсітэтах і каледжах нашай краіны.
30 сакавіка прайшоў анлайн-семінар, у якім узялі ўдзел выкладчыкі ўстаноў вышэйшай і сярэдняй спецыяльнай адукацыі. Іх увазе быў прадстаўлены агляд магчымасцей платформы Znanium для арганізацыі вучэбнай і навуковай працы выкладчыкаў: алгарытмы пошуку вучэбнай і навуковай літаратуры, праца з адукацыйнымі сэрвісамі, выкарыстанне Discovery Znanium у вучэбнай і навуковай рабоце, арганізацыя навукова-даследчай працы выкладчыкаў у сеткавых часопісах.
Доступ да электронна-бібліятэчнай сістэмы Znanium адкрыты для ўсіх зарэгістраваных карыстальнікаў Нацыянальнай бібліятэкі Беларусі і зацікаўленых бібліятэк – партнёраў па віртуальнай чытальнай зале.
Віртуальная чытальная зала запрашае да супрацоўніцтва ўсе зацікаўленыя арганізацыі нашай краіны па пытаннях падпіскі на ліцэнзійныя базы даных і навучання працы з імі.
Матэрыял пададзены аддзелам карпаратыўнага ўзаемадзеяння.
