Дата правядзення
Час правядзення
Месца правядзення
19 снежня ў бібліятэцы адбудзецца прэс-прэзентацыя “Гуманістычны і стваральны патэнцыял беларускай літаратуры” ў межах Года міру і стварэння.
У праграме мерапрыемства – прэзентацыя 26 тамоў серыі кніг “Залатая калекцыя беларускай літаратуры ў 50 тт.”, у якой друкуюцца шэдэўры беларускага прыгожага пісьменства.
На прэс-презентацыі будуць прадстаўлены акадэмічныя зборы твораў класікаў нацыянальнай літаратуры – Максіма Танка, Янкі Брыля і Кузьмы Чорнага, падрыхтаваныя ў Інстытуце літаратуразнаўства імя Янкі Купалы і выдадзеныя ў буйных рэспубліканскіх выдавецтвах – “Мастацкая літаратура” і Выдавецкі доме “Беларуская навука”.
Падчас мерапрыемства пойдзе гаворка пра ўнікальны кніжны праект “Сучасная літаратура краін СНД”, які ажыццёўлены міжнародным калектывам навукоўцаў, пісьменнікаў і перакладчыкаў краін Садружнасці Незалежных Дзяржаў.
Выдаўцы і пісьменнікі распавядуць пра лепшыя мастацкія здабыткі за апошні творчы год, прадставяць найбольш значныя творы і кнігі сучасных беларускіх аўтараў.
Будуць прэзентавацца найнавейшыя дасягненні сучаснай беларускай літаратуры для дзяцей, адзначаны найбольш дасканалыя выданні і найбольш запатрабаваныя аўтары.
Арганізатары мерапрыемства – Інстытут літаратуразнаўства імя Янкі Купалы Нацыянальнай акадэміі навук Беларусі, Саюз пісьменнікаў Беларусі, выдавецтва “Мастацкая літаратура”, газета “Літаратура і мастацтва”.
Пачатак мерапрыемства – а 16-й гадзіне ў галерэі “Лабірынт” (3-ці паверх).
Тэлефон для даведак: (8 017) 293 27 56.
Матэрыял пададзены аддзелам галерэйна-выставачнай дзейнасці.