Сустрэча з Вікторыяй Ледэрман

Пазнаёміцца з расійскай пісьменніцай, аўтарам кніг для дзяцей, лаўрэатам многіх літаратурных прэмій Вікторыяй Ледэрман запрашае Нацыянальная бібліятэка Беларусі.

16 лістапада а 16-й гадзіне ў галерэі "Ракурс" (2-гі паверх) адбудзецца творчая сустрэча з Вікторыяй Ледэрман – адным з самых папулярных расійскіх аўтараў, якія пішуць для падлеткаў і малодшых школьнікаў.

Вікторыя Ледэрман па прафесіі выкладчык замежных моў, а пісаць прозу пачала яшчэ падчас вучобы ў школе. У творчым багажы пісьменніцы ўжо больш за 15 выданняў, якія ўмацавалі яе папулярнасць сярод дзяцей і бацькоў. Гэта кнігі для падлеткаў – “Всего одиннадцать! или Шуры-муры в пятом «Д»”, для малодшых школьнікаў – “Питомец Гешка”, “К доске пойдет... Василькин!”, “Светлик Тучкин и пузырь желаний”, “Теория невероятностей”, зборнік вершаў для малышоў “Детский сад, восьмая группа” і інш.

У яе кнігах добра выбудаваны сюжэт, у якім прыгоды герояў пастаянна трымаюць чытача ў напрузе. Размова аб самых балючых пытаннях атрымліваецца пераканаўчай, без маралізатарства. Лаканічнасць стылю, энергічнасць дзеяння, спакойны гумар, ясная, выразная аўтарская пазіцыя – усё гэта робіць аповесці папулярнымі ў малодшых школьнікаў, падлеткавай і дарослай чытацкай аўдыторыі.

Уваход на мерапрыемства вольны.
Тэлефон для даведак: (8 017) 368 37 37.

Чытайце таксама, як прайшла творчая сустрэча.