Дата правядзення
Час правядзення
Месца правядзення
28 студзеня дзіцячы пакой запрашае дзяцей 5–10 гадоў на творчыя заняткі па пластылінаграфіі “Цырк”.
Маляваць можна не толькі з дапамогай фарбаў, алоўкаў ці фламастараў, але і... пластылінам!
На занятках дзеці створаць аб’ёмную выяву арэны цырка са сланянём. Яркія кавалачкі пластыліну нанясуць мазкамі на выразаныя з паперы шаблоны сланяняці, тумбы і шарыкаў, гатовыя дэталі прыклеяць на шчыльны кардон бэзавага колеру і ўпрыгожаць карцінку рознакаляровымі сцяжкамі.
Падчас мерапрыемства дзеці паслухаюць вершы і песні пра цырк, пагуляюць у пацешную гульню “Мяшочак настрояў”.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Час правядзення мерапрыемства: 15.00–16.00.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
