Дата правядзення
Час правядзення
Месца правядзення
Кошт наведвання
Запрашаем у Нацыянальную бібліятэку на ўрокі па вучэбным прадмеце “Мастацтва (айчынная і сусветная мастацкая культура)”. Тэма цыкла заняткаў – “Мастацтва Старажытнай Грэцыі”.
Назавём толькі 5 прычын, каб прыйсці ў музей кнігі на ўрок мастацтва.
Першая – пабываць на выставе “Арт-кніга «Ясон»”.
Адна з найпрыгажэйшых і найдаражэйшых кніг Беларусі 2021 года прысвечана старажытнагрэчаскаму міфу пра падарожжа Ясона і арганаўтаў за залатым руном. Мастацкія творы сучаснага беларускага мастака-графіка Фёдара Шурмялёва дапамогуць вучням ў пераасэнсаванні міфалагічных сюжэтаў і вобразаў старажытнагрэчаскай культуры.
Другая – патрымаць у руках выданні знакамітых твораў антычнай літаратуры.
Шматлікія міфы і легенды, апісанні подзвігаў герояў, паэмы Гамера “Іліяда” і “Адысея”, лірыка старажытнагрэчаскіх паэтаў, а таксама байкі Эзопа пазнаёмяць з жанрамі літаратуры і дапамогуць узнавіць карціну жыцця і быту грэкаў. З’явіцца магчымасць убачыць не толькі сучасныя перавыданні антычнай літаратуры, але і тэсты, апублікаваныя на мове арыгіналу ў XVIII–XIX стст.
Трэцяя – самім стварыць арыгінальныя творы мастацтва, стаць акцёрам старажытнагрэчаскага тэатра, паспрабаваць свае аратарскія магчымасці і здзейсніць падарожжа разам з Тэсеем да берагоў вострава Крыт.
Чацвёртая – урокі падрыхтаваны спецыялістам з педагагічнай адукацыяй з улікам вучэбнай праграмы для 7 класа па прадмеце “Мастацтва (айчынная і сусветная мастацкая культура)”.
Пятая – гарантуем творчы падыход і разнастайнасць творчых заданняў.
Прапануем наступныя тэмы урокаў:
- Мастацтва крыта-мікенскай цывілізацыі.
- Старажытнагрэчаская архітэктура.
- Керамічныя вырабы Старажытнай Грэцыі.
- Старажытнагрэчаская міфалогія.
- Літаратура Старажытнай Грэцыі.
- Старажытнагрэчаскі тэатр.
Тэматыку ўрокаў можна вар’іраваць.
Урокі мастацтва разлічаны на вучняў 7 класа.
Дата правядзення: люты – сакавік 2022 г.
Месца правядзення: музей кнігі (пам. 347).
Кошт адных заняткаў: 4.50 руб. (з улікам кошту матэрыялаў для творчых заданняў).
Папярэдні запіс па тэлефонах: (8 017) 293 27 82, (8 029) 18 18 451.
Электронная пошта: tatsianazablotskaya@gmail.com
Кантактная асоба: Заблоцкая Таццяна.
Матэрыял пададзены навукова-даследчым аддзелам кнігазнаўства.