Выставачны праект распавядае пра жыццё, служэнне і духоўны шлях апошняга рускага імператара Мікалая II і яго сям'і – імператрыцы Аляксандры, цэсарэвіча Аляксея, вялікіх княжон Вольгі, Таццяны, Марыі і Анастасіі.

На выставе прадстаўлена больш за 200 экспанатаў. Шматлікія фотаздымкі і рэпрадукцыі карцін, жыццяпіс сям'і Раманавых, дзённікавыя запісы, дакументы, сведчанні відавочцаў даюць магчымасць пагартаць старонкі жыцця венцаноснай сям'і. На чорна-белых здымках захаваны розныя моманты іх жыцця, пачынаючы з дзіцячых гадоў цэсарэвіча Мікалая і заканчваючы яго апошнімі днямі. Большасць кадраў вельмі асабістыя, дамашнія і прасякнуты любоўю паміж мужам і жонкай, бацькамі і дзецьмі. Адлюстроўваюць фатаграфіі і шчырую адказнасць адносна сваіх абавязкаў, глыбокае разуменне хрысціянскіх канонаў.

Матэрыялы для экспазіцыі прадстаўлены Расійскім гістарычным таварыствам, фондам "История Отечества" і Дзяржаўным архівам Расійскай Федэрацыі.

Аўтар і куратар праекта – прэс-сакратар епархіяльнага ўпраўлення Магілёўскай праваслаўнай епархіі Ілья Сідаровіч, які супрацоўнічаў з маскоўскім фотамастаком Генадзем Малафеевым і прадстаўніком прыходу Феадораўскага Гасударава сабора ў Царскім Сяле Сяргеем Ілюхіным.

Экспазіцыя прадстаўлена па блаславенні мітрапаліта Мінскага і Заслаўскага Веніяміна.

Азнаёміцца з выставай "Венцаносная сям'я. Шлях Любові" можна да 3 красавіка 2022 г.
Дата яе заканчэння можа быць зменена.

Час работы выставы адпавядае рэжыму работы бібліятэкі.
На адкрыццё ўваход свабодны, у астатні час – па сацыякультурным або чытацкім білеце.

Тэлефон для даведак: (8 017) 368 37 37.

Матэрыял пададзены аддзелам сувязей з грамадскасцю.

Венцаносная сям'я. Шлях Любові

Інфармацыйныя рэсурсы

Паслугі