Дата правядзення
Час правядзення
Месца правядзення
4 лютага а 11-й гадзіне ў зале адукацыйных тэхналогій (пам. 346) адбудзецца круглы стол “Я прыйшоў дзеля вас…”, прысвечаны 140-годдзю з дня нараджэння народнага паэта Беларусі Якуба Коласа і 100-годдзю Нацыянальнай бібліятэкі Беларусі.
Творчасць народнага паэта Беларусі Якуба Коласа – гэта цэлая эпоха ў гісторыі беларускай культуры. Ён па праву лічыцца заснавальнікам нацыянальнай прозы, яго пяру належаць паэтычныя шэдэўры (паэмы “Новая зямля” і “Сымон-музыка”), у разрад класікі ўвайшлі геніяльныя вершы Коласа. Невыпадкова ў сёлета супалі два юбілеі – народнага паэта і нацыянальнай скарбніцы.
На пасяджэнні круглага стала, арганізаваным для прадстаўнікоў сферы адукацыі, турыстычных фірм і СМІ, адбудзецца прэзентацыя юбілейных мерапрыемстваў, запланаваных Дзяржаўным літаратурна-мемарыяльным музеем Якуба Коласа, абмеркаванне перспектыў супрацоўніцтва музея з Нацыянальнай бібліятэкай Беларусі, Цэнтралізаванай сістэмай дзяржаўных публічных бібліятэк г. Мінска, установамі адукацыі і турыстычнымі фірмамі.
Арганізатары – Міністэрства культуры Рэспублікі Беларусь, Нацыянальная бібліятэка Беларусі, Дзяржаўны літаратурна-мемарыяльны музей Якуба Коласа.
Тэлефон для даведак: (8 017) 293 28 81.