Дата правядзення
Час правядзення
Месца правядзення
20 лістапада дзіцячы пакой запрашае дзяцей 6–10 гадоў на заняткі “Цікава пачытаць” па кнізе Вольгі Нікольскай “Фей па імені Свецік”.
Добры зубны фей Свецік не падобны да сваіх братоў з Зубнога Каралеўства: ён не проста кладзе пад падушку малыша падаруначак, замест малочнага зубіка, які выпаў. Яму ўдаецца выканаць самыя запаветныя дзіцячыя жаданні: памірыць бацькоў, знайсці вернае дружалюбнае шчаня, выправіць дрэнны ўчынак. Знаходзіць мудрае рашэнне і спраўляцца з нечаканымі сітуацыямі маленькаму фею дапамагаюць кот Мурлыка, сабака Мастак, гаворачы голуб і гарэзлівае воблачка.
На занятках дзеці патанцуюць пад вясёлую музыку з феяй танцаў, пагуляюць у гульню на спрыт “Блытаніна” і зробяць з каляровай паперы чарадзейную палачку Свеціка.
Час правядзення: 14.30–16.00.
Наведванне дзіцячага пакоя бясплатнае.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.