ГалоўнаяМерапрыемствыСлавутасці Беларусі ў работах Уладзіміра Шаркова
Беларускія вучоныя – удзельнікі Вялікай Айчыннай вайны
Дарогай святла

Славутасці Беларусі ў работах Уладзіміра Шаркова

Славутасці Беларусі ў работах Уладзіміра Шаркова
Іншыя мерапрыемствы
1 ліпеня – 16 верасня
Дата правядзення
10.00–21.00
Час правядзення
галерэя "Атрыум" (3-ці паверх)
Месца правядзення

1 ліпеня ў галерэі “Атрыум” (3-ці паверх)  пачала работу мастацкая выстаўка Уладзіміра Шаркова “Славутасці Беларусі”, прымеркаваная да Дня Незалежнасці Рэспублікі Беларусь.

Мастак, графік, жывапісец, член Беларускага саюза мастакоў Уладзімір Шаркоў добра вядомы жыхарам Беларусі і за мяжой па акварэльных выявах беларускіх гарадоў і славутасцей. Выкананыя ў характэрнай манеры, яго работы служаць своеасаблівай візітнай карткай Беларусі.

Палітру мастака складаюць вытанчаныя лініі, мяккія колеры. Малюе гарады Уладзімір Шаркоў такімі, якімі ўбачыў іх упершыню ў рэальным жыцці альбо ў архіўных крыніцах. Удасканальвае, дадае дэталі, але імкнецца зберагчы вобразы нібыта чыстымі ад подыху паспешлівага часу.

У экспазіцыі “Славутасці Беларусі” – Лідскі замак князя Гедыміна, Гальшанскі замак, руіны Наваградскага і Крэўскага замкаў, царква ў Заслаўі, Марыінскі кафедральны і Свята-Духаў кафедральны саборы ў Мінску, гарадскія ратушы Мінска і Нясвіжа, іншыя выдатныя беларускія мясціны… Некаторыя работы падобныя да старых фотаздымкаў, а некаторыя падаюцца жывымі і рэальнымі.

Выстаўка адкрываецца да Дня Незалежнасці Рэспублікі Беларусь. 3 ліпеня – дзень, калі варта ўзгадаць пра культурнае багацце краіны, унікальную нацыянальную адметнасць беларускай архітэктуры, шэраг гістарычных падзей, якія стаяць за кожным помнікам і замкам, вежай, царквой, касцёлам. Рамантычныя, душэўныя, добра знаёмыя вобразы і краявіды даюць унікальную магчымасць цягам адной экскурсіі па галерэі наведаць многія прыгожыя беларускія гарады, аддаць даніну павагі гістарычнай і культурнай спадчыне, асэнсаваць яе вечную каштоўнасць, задумацца і адказаць сабе на пытанне, што пакінем нашчадкам.


Выстаўка будзе працаваць да 16 верасня 2021 года.
Дата заканчэння працы экспазіцыі можа быць зменена.

Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 368 37 37.

Матэрыял пададзены аддзелам сувязей з грамадскасцю.

Мерапрыемствы

“Арт-Мінск 2021”

16.09.2021

21 верасня а 17-й гадзіне ў галерэі “Атрыум” (3-ці паверх) Нацыянальнай бібліятэкі Беларусі адкрыецца выстаўка “Арт-Мінск 2021”.

Размова з адвакатам аб праве ў сферы медыцыны

15.09.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Храмы часу, памяці, думкі

14.09.2021

Напярэдадні юбілейнага года святкавання стагоддзя Нацыянальнай бібліятэкі Беларусі да прафесійнага свята – Дня бібліятэк Беларусі – прымеркавана выстаўка “Храмы часу, памяці, думкі”.

Умець чытаць, пісаць, лічыць…

07.09.2021

З 7 верасня па 2 кастрычніка ў зале дакументаў міжнародных арганізацый (пам. 207g) адкрыта тэматычная кніжная выстава “Умець чытаць, пісаць, лічыць...”, прысвечаная Міжнароднаму дню пісьменнасці.

Разам за мір дзеля будучыні!

02.09.2021

З 2 верасня па 12 кастрычніка ў аддзеле абслугоўвання афіцыйнымі дакументамі (пам. 207) адкрыта тэматычная кніжная выстава “Разам за мір дзеля будучыні!”, прысвечаная Міжнароднаму дню міру.



Бібліятэкарам