ГалоўнаяМерапрыемствыІмкненне быць карысным
Адданасць прызванню
ХVІІ Міжнародныя кнігазнаўчыя чытанні

Імкненне быць карысным

Імкненне быць карысным
Іншыя мерапрыемствы
14 студзеня – 16 мая
Дата правядзення
12.00–23.00
Час правядзення
галерэя "Панарама"
Месца правядзення

14 студзеня а 17-й гадзіне ў галерэі “Панарама” (22-гі паверх) адбудзецца адкрыццё выстаўкі “Лініі дабра”.

Арганізатары – Нацыянальная бібліятэка Беларусі сумесна з фондам дапамогі дзецям “Белы бусел”, дабрачыннай групай “Добрыя сэрцы” і Мінскім дзяржаўным мастацкім каледжам імя А.К. Глебава.

У экспазіцыі можна ўбачыць работы маладых мастакоў, вучняў і выпускнікоў мастацкага вучылішча. Гэта графічныя замалёўкі з беларускай традыцыйнай культуры і паданняў, нацыянальныя арнаменты, гарадскія пейзажы, рэлігійныя матывы, філасофскія разважанні.

Мэта выстаўкі – нагадаць пра дзейнасць беларускіх дабрачынных фондаў і арганізацый, якія накіраваны на вырашэнне праблем дзетак, якія жывуць у нястачы або хварэюць, пра неабходнасць дапамогі дзіцячым дамам і іншым спецыялізаваным установам. Арганізатары спадзяюцца, што наведвальнікі стануць больш уважлівымі і спагадлівымі да праблем іншых людзей і матывуюць да ўдзелу мецэнатаў і валанцёраў.

Экспазіцыя “Лініі дабра” прызначана выклікаць асаблівыя пачуцці, тонкае візуальнае ўспрыманне і нестандартнае творчае асэнсаванне. Годны ўзровень свядомасці і адказнасці беларускай моладзі – гэта імкненне рабіць свае лініі дабра і быць карысным для тых, у каго ў гэтым ёсць патрэба, дапамагаць і спачуваць ім.

Запрашаем на адкрыццё выстаўкі!


На адкрыццё ўваход вольны, у астатні час уваход складае кошт наведвання агляднай пляцоўкі.

Выстаўка будзе працаваць да 16 мая 2021 г.
Дата яе заканчэння можа быць зменена.

Час работы выстаўкі адпавядае рэжыму работы агляднай пляцоўкі.

Тэлефон для даведак: (8 017) 368 37 37.
E-mail: pr@nlb.by

Чытайце таксама, як прайшло адкрыццё выстаўкі “Лініі дабра.

Мерапрыемствы

Асветніца з роду Усяслава

16.07.2021

З 16 ліпеня па 30 верасня запрашаем наведаць выстаўку “Асветніца з роду Усяслава”, прымеркаваную да 920-годдзя з дня нараджэння беларускай асветніцы Еўфрасінні Полацкай і 860-годдзя стварэння крыжа святой Еўфрасінні.

Лёс наканаваны з нябёс

22.07.2021

З 22 ліпеня па 22 верасня ў зале нотных і аўдыявізуальных дакументаў (пам. 305) праходзіць выстава “Лёс наканаваны з нябёс”, прысвечаная 75-годдзю беларускага кампазітара і педагога Ганны Маратаўны Казловай.

Адкрывальнік і летапісец сівой даўніны

21.07.2021

Да 60-годдзя беларускага гісторыка і пісьменніка Вітаўта Чаропкі ў зале беларускай літаратуры (пам. 205) з 21 ліпеня па 31 жніўня праходзіць выстаўка “Адкрывальнік і летапісец сівой даўніны”.

Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)

22.07.2021

22 ліпеня ў музеі кнігі Нацыянальнай бібліятэкі Беларусі адкрылася выстава “Ян Баршчэўскі, які любіў Бога, прыроду і людзей”. На ёй упершыню будуць разам прадстаўлены аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.



Бібліятэкарам