Дата правядзення
Час правядзення
Месца правядзення
22 жніўня дзіцячы пакой запрашае дзяцей 7–10 гадоў на заняткі “Мультчытайка” паводле казкі А. Ліндгрэн “Піпі Доўгаяпанчоха”.
Цудоўныя казкі Астрыд Ліндгрэн чытаць заўсёды прыемна і займальна. Нікога на свеце няма мацнейшага за Піпі, яна здольная пакласці на лапаткі нават самага славутага асілка. Але не толькі гэтым знакамітая самая вясёлая, непрадказальная, гарэзлівая і самая добрая дзяўчынка ў свеце, з якой абавязкова хочацца пасябраваць!
На мерапрыемстве дзеці адправяцца ў падарожжа ў Швецыю – на радзіму пісьменніцы і пачуюць гісторыю стварэння казачнай аповесці.
Пасля прачытання ўрыўкаў з кнігі і прагляду мультфільма, хлопчыкі і дзяўчаткі паўдзельнічаюць у віктарыне і зробяць яркую аплікацыю “Шкарпэткі Піпі”.
Час правядзення: 14.30–16.00.
Наведванне дзіцячага пакоя бясплатнае.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
