ГалоўнаяМерапрыемствыНацыянальная святыня
Убачыць свет праз літару: запрашаем на новую экспазіцыю
“Мультчытайка” паводле казкі А. Ліндгрэн “Піпі Доўгаяпанчоха”

Нацыянальная святыня

Нацыянальная святыня
Іншыя мерапрыемствы
21 жніўня – 20 снежня
Дата правядзення
10.00–21.00
Час правядзення
кальцавы калідор (3-ці паверх)
Месца правядзення

У бібліятэцы арганізавана выстаўка, прымеркаваная да 550-годдзя з’яўлення цудатворнай Жыровіцкай іконы Божай Маці і 500-годдзя з дня заснавання Свята-Успенскага Жыровіцкага стаўрапігіяльнага мужчынскага манастыра.

У Гродзенскай вобласці, за дзесяць кіламетраў ад горада Слонім, знаходзіцца невялікая вёска Жыровічы. Менавіта там размяшчаецца велічны праваслаўны Свята-Успенскі манастыр, які ўяўляе сабой унікальны архітэктурны ансамбль, вядомы не толькі на Беларусі, але і за яе межамі.

Жыровіцкі Свята-Успенскі манастыр стаў адным з асноўных духоўных цэнтраў праваслаўя на беларускай зямлі, а таксама ўвайшоў у лік найбуйнейшых архітэктурных ансамбляў XVII–XVIII стст. на тэрыторыі краіны. За сваю гісторыю ён ні разу не закрываўся і захоўваў пераемнасць традыцый на працягу пяці стагоддзяў. Менавіта тут знаходзіцца цудатворны абраз Жыровіцкай Божай Маці, адзін з самых шанаваных абразоў веруючых, які ўваходзіць у спіс 100 вялікіх святыняў праваслаўя.

На выстаўцы прадстаўлена каля 60 экспанатаў: энцыклапедыі, кнігі, артыкулы з часопісаў і выяўленчыя матэрыялы. Яны распавядаюць пра гісторыю з'яўлення, шанавання і лёс Жыровіцкага абраза Божай Маці, а таксама аб заснаванні Жыровіцкага Свята-Успенскага манастыра на месцы з'яўлення гэтай цудатворнай іконы.

Цэнтральнае месца на выстаўцы адведзена кнігам XIX ст. Сярод іх вылучаюцца “Жировицкая чудотворная икона Божіей Матери и Жировицкая обитель”, выдадзеная ў 1867 г. у Вільні, і “Древнее сказаніе о Жировицахъ и о чудотворномъ образъ Жировицкой Богоматери”, выдадзеная ў 1897 г. Асобны раздзел выстаўкі прысвечаны падзвіжнікам Жыровіцкага манастыра, малітвамі і мужнасцю якіх абіцель выстаяла ў гады ваеннага ліхалецця і сёння з'яўляецца цэнтрам праваслаўнай веры Беларусі.

Выстаўка, якая размешчана ў кальцавым калідоры 3-га паверха, адрасуецца шырокаму колу чытачоў і абуджае цікавасць да праваслаўнага краязнаўства і гісторыі праваслаўя на беларускіх землях.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефон для даведак: (8 017) 293 29 80.

Матэрыял пададзены аддзелам галерэйна-выставачнай дзейнасці.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.

Размова з адвакатам аб куплі-продажы нерухомасці

15.10.2020

23 кастрычніка запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Пяшчотная, мілая, добрая

13.10.2020

З 13 кастрычніка па 30 лістапада ў бібліятэцы (2-гі паверх, кальцавы калідор) арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).

Прывілеі і вольнасці гарадоў Вялікага Княства Літоўскага

12.10.2020

З 12 кастрычніка 2020 г. па 4 студзеня 2021 г. у зале прававой інфармацыі (пам. 207b) адкрыта тэматычная выстава “Прывілеі і вольнасці гарадоў Вялікага Княства Літоўскага”, прысвечаная 390-годдзю Магдэбургскага права на Беларусі.



111