ГалоўнаяМерапрыемствыЗакон, па якім жыве краіна
Размова з адвакатам аб правах і абавязках прызыўнікоў
У бібліятэцы адсвяткавалі Дзень жанчын

Закон, па якім жыве краіна

Закон, па якім жыве краіна
Іншыя мерапрыемствы
9–18 сакавіка
Дата правядзення
10.00–21.00
Час правядзення
пам. 207b
Месца правядзення

З 9 па 18 сакавіка ў зале прававой інфармацыі (пам. 207b) адкрыта тэматычная выстаўка “Закон, па якім жыве краіна”, прысвечаная Дню Канстытуцыі Рэспублікі Беларусь.

За ўсю гісторыю развіцця Беларусі як самастойнай незалежнай дзяржавы ў краіне дзейнічала пяць Канстытуцый. Дзеючая сёння Канстытуцыя прынята 15 сакавіка 1994 г., на падставе рэферэндумаў 1996 і 2004 гг. у яе былі ўнесены змены і дапаўненні. Структура Канстытуцыі стандартная: прэамбула, асноўная частка і заключныя, пераходныя палажэнні. Канстытуцыя Рэспублікі Беларусь складаецца са 146 артыкулаў, усе яе палажэнні трэба разумець у сістэмнай узаемасувязі. Яна валодае вяршэнствам адносна ўсіх іншых прававых актаў, складае ядро прававой сістэмы дзяржавы.

Адметнымі рысамі дзеючай Канстытуцыі з’яўляюцца: замацаванне ў якасці эканамічнай асновы разнастайнасці форм уласнасці; устанаўленне роўнасці дзяржавы і грамадзяніна, наяўнасць у іх узаемных абавязацельстваў; арыентацыя заканадаўства на агульнапрызнаныя прынцыпы міжнароднага права; падзел і ўзаемадзеянне ўлад; прамы характар дзеяння Канстытуцыі.

Значэнне Канстытуцыі для жыцця грамадства і дзяржавы велізарнае. Асабліва важна, каб яе прынцыпы і нормы дзейнічалі і выконваліся, а законы і іншыя прававыяакты, якія прымаюцца па канстытуцыйных пытаннях, строга адпавядалі яе зместу.

Выстаўка прызначана для палітолагаў, работнікаў выбарчых камісій, работнікаў дзяржаўных органаў, выкладчыкаў, студэнтаў, усіх, каму цікавы працэсы развіцця беларускай дзяржавы.

Экспазіцыя налічвае больш за 40 дакументаў: кнігі, брашуры, перыядычныя выданні на рускай і беларускай мовах.

Выстаўка ўключае наступныя тэматычныя раздзелы:

  • Канстытуцыя Рэспублікі Беларусь як аснова законнасці беларускай дзяржавы
  • Працэс стварэння і прыняцця пятай Канстытуцыі Рэспублікі Беларусь: этапы і праблемы
  • Канстытуцыйнае заканадаўства Рэспублікі Беларусь: стан, праблемы і напрамкі ўдасканалення
  • Каштоўнасная парадыгма Асноўнага закона Рэспублікі Беларусь

Карысныя спасылкі:


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Спіс літаратуры па тэме

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефон для даведак: (8 17) 293 27 28.

Матэрыял прадастаўлены аддзелам абслугоўвання афіцыйнымі дакументамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Тайны канцылярыі

22.09.2020

24 верасня а 16-й гадзіне ў музеі кнігі адбудзецца адкрыццё выставы “Тайны канцылярыі”, створанай сумесна з даследчыкам, лаўрэатам прэміі “За духоўнае адраджэнне” Уладзімірам Ліхадзедавым.

Турызм для міру і развіцця

16.09.2020

З 16 верасня па 14 кастрычніка ў аддзеле абслугоўвання афіцыйнымі дакументамі Нацыянальнай бібліятэкі Беларусі (2-гі паверх, пакой 207) адкрыта тэматычная кніжная выстаўка “Турызм для міру і развіцця”, прысвечаная Сусветнаму дню турызму.

Размова з адвакатам аб ільготах і дапамозе маладым і шматдзетным сем’ям

17.09.2020

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Храмы часу, памяці, думкі…

14.09.2020

Штогод 15 верасня ўсе бібліятэкары Беларусі святкуюць сваё прафесійнае свята – Дзень бібліятэк. Да гэтага дня прымеркавана кніжная выстаўка “Храмы часу, памяці, думкі…”, што размешчана на 2-гім паверсе кальцавога калідора Нацыянальнай бібліятэкі Беларусі.

Мінская мазаіка

09.09.2020

Нацыянальная бібліятэка Беларусі віншуе жыхароў і гасцей Мінска з Днём горада і запрашае наведаць святочную кніжную экспазіцыю “Мінская мазаіка”.

Свята кніг

07.09.2020

12 верасня дзіцячы пакой запрашае дзяцей 5–10 гадоў на святочнае мерапрыемства, прысвечанае Дню бібліятэк “Свята кніг”.



111