ГалоўнаяМерапрыемствыЦікавыя праекты Нацыянальнай бібліятэкі на ХХV Дні беларускага пісьменства
Наркаманія – дарога ў нікуды
Заняткі “Бібліятэка – дом, дзе жывуць кнігі”

Цікавыя праекты Нацыянальнай бібліятэкі на ХХV Дні беларускага пісьменства

Цікавыя праекты Нацыянальнай бібліятэкі на ХХV Дні беларускага пісьменства
Іншыя мерапрыемствы
1–2 верасня
Дата правядзення
г. Іванава, Брэсцкая вобласць
Месца правядзення

1–2 верасня бібліятэка прыме ўдзел у святкаванні ХХV Дня беларускага пісьменства ў горадзе Іванаве Брэсцкай вобласці.

Сёлета свята прымеркавана да Года малой радзімы. Таксама грамадскасць Беларусі адзначае 400-годдзе першага “Буквара”. Менавіта таму тэмай удзелу Нацыянальнай бібліятэкі Беларусі ў святкаванні Дня беларускага пісьменства – 2018 стала тэма беларускага “Буквара”.

Гасцей свята чакае шмат цікавых праектаў ад Нацыянальнай бібліятэкі.

1–2 верасня 2018 г.
Іванаўскі раённы Цэнтр культуры i народных традыцый (вул. Савецкая, 50а):

Dzen-belaruskaga-pismenstva-2.jpg

  • выстаўка “БЕЛАРУСКІ БУКВАР: СУВЯЗЬ ПАКАЛЕННЯЎ”, прысвечаная 400-годдзю першага ў свеце выдання пад назвай “Буквар” (Еўе, 1618) і Года малой радзімы – уключае каля 30 буквароў і выданняў для пачатковага навучання чытанню і грамаце;
  • электронная прэзентацыя “БЕЛАРУСКІ БУКВАР: СТАРОНКІ ГІСТОРЫІ” – уключае лічбавыя выявы знакамітых буквароў і азбук XVI – пачатку ХХ ст. Сярод іх – самыя старажытныя айчынныя кнігі для навучання;
  • выстаўка галаграм старадрукаў – упершыню ў галаграфічным “запісы” паўстануць скарбы з фонду Нацыянальнай бібліятэкі Беларусі – каштоўныя старадрукі “Біблія” Францыска Скарыны (Прага, 1517–1519), “Евангелле” Пятра Мсціслаўца (Вільня, 1575 г.), “Новы Запавет і Псалтыр” (Куцеін, 1652 г.);
  • ілюстрацыйная выстаўка “БУКВАР” – прадстаўлена на 4 банерах. Для маленькіх наведвальнікаў будзе магчымасць паскладваць пазлы, адказаць на пытанні віктарыны па кнігазнаўчай тэматыцы і памаляваць на спецыяльным інтэрактыўным абсталяванні.

Dzen-belaruskaga-pismenstva-3.jpg

2 верасня 2018 г.

  • Пляцоўка “Сучасная беларуская кніга” (гарадскі парк):
    11.00–11.15 – прэзентацыя факсімільнага выдання “Буквар” і перадача яго ў дар Цэнтральнай раённай бібліятэцы імя Ф.І. Панфёрава.
  • Галоўная сцэнічная пляцоўка (гарадскі парк):
    12.00–13.40 – урачыстая перадача ў дар факсімільнага выдання “Буквар” Іванаўскаму раёну ў межах адкрыцця ХХV Дня беларускага пісьменства.
  • Павільён “Добрую кнігу – дзецям” (пл. Кастрычніка):
    15.00–16.00 – прэзентацыя сумеснага праекта Нацыянальнай бібліятэкі Беларусі і часопіса “Вясёлка”, прысвечанага беларускаму Буквару і яго 400-гадовай гісторыі.

Праекты Нацыянальнай бібліятэкі Беларусі зацікавяць шырокае кола наведвальнікаў свята Дня беларускага пісьменства.

Тэлефоны для даведак:(8 017) 293 28 81, 293 27 56.
Е-mail:pr@nlb.by

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Партызанскі архіў: бібліятэка прэзентуе мультымедыйныя выданні

18.11.2019

19 лістапада а 16-й гадзіне ў бібліятэцы адбудзецца прэзентацыя першага выпуску серыі мультымедыйных выданняў “Партызанскі архіў” – электроннага дакументальнага выдання “Аператыўныя і разведвальныя зводкі Беларускага штаба партызанскага руху: 1944 год” – сумеснага праекта Нацыянальнага архіва Рэспублікі Беларусь і Нацыянальнай бібліятэкі Беларусі. Выданне прымеркавана да 75-годдзя вызвалення Беларусі ад нямецка-фашысцкіх захопнікаў.

Мастак лірыкі і драмы

14.11.2019

З 14 лістапада па 3 лютага ў зале нотных і аўдыявізуальных дакументаў (пам. 305) праходзіць выстаўка “Мастак лірыкі і драмы”, прысвечаная 100-годдзю з дня нараджэння Мечыслава Вайнберга.

Таямніцы парыжскіх падмосткаў

14.11.2019

З 14 лістапада па 10 снежня ў зале дакументаў па мастацтве (пам. 306) праходзіць кніжна-ілюстрацыйная выстаўка “Таямніцы парыжскіх падмосткаў”, прысвечаная 155-годдзю з дня нараджэння выдатнага французскага жывапісца і графіка Анры дэ Тулуз-Латрэка (1864–1901).

Спектакль у бібліятэцы: малышам паказалі казку пра сапраўднае сяброўства

06.11.2019

“Як забавіць дзіця на канікулах?” – думаюць выхавальнікі, настаўнікі і бацькі школьнікаў. Але пастаянных гасцей Нацыянальнай бібліятэкі Беларусі не турбуе гэтае пытанне. Яны ведаюць, што іх малышэй чакаюць займальныя спектаклі ў нашай канферэнц-зале.

Перамагчы дыябет!

13.11.2019

З 13 лістапада па 18 снежня ў зале дакументаў міжнародных арганізацый (пам. 207g) працуе тэматычная кніжная выстаўка “Перамагчы дыябет!”, прысвечаная Сусветнаму дню барацьбы з дыябетам.

Размова з адвакатам аб зваротах грамадзян

20.11.2019

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.



111