ГалоўнаяМерапрыемствыПершаму ў свеце выданню пад назвай “Буквар” – 400 гадоў!
Канстытуцыя Францыі – вытокі станаўлення і сучаснасць: да 60-годдзя прыняцця Канстытуцыі V Французскай Рэспублікі (4 кастрычніка)
Літаратурная гадзіна “Гэтыя цудоўныя казкі”

Першаму ў свеце выданню пад назвай “Буквар” – 400 гадоў!

Першаму ў свеце выданню пад назвай “Буквар” – 400 гадоў!
Іншыя мерапрыемствы
28 жніўня
Дата правядзення
16.00–17.00
Час правядзення
атрыум 2-га паверха
Месца правядзення

28 жніўня ў бібліятэцы адбудзецца прэзентацыя факсімільнага выдання першага “Буквара”.

Важнай падзеяй 2018 года стала завяршэнне міжнароднага навуковага выдавецкага праекта па факсімільным узнаўленні першага “Буквара”. Кніга выйшла ў 1618 годзе на царкоўнаславянскай мове ў друкарні Віленскага праваслаўнага брацтва Святога Духа ў Еўе.

Усяго захавалася два асобнікі 1618 года. Адна з кніг была вывезена брытанскім калекцыянерам у Лондан у пачатку XVII стагоддзя. Сёння гэты кніжны помнік захоўваецца ў Бібліятэцы Мідл Тэмпл у Вялікабрытаніі. Другі экзэмпляр знаходзіцца ў Каралеўскай бібліятэцы Даніі. На радзіме не засталося ніводнага выдання: як часта адбываецца з навучальнымі дапаможнікамі, іх проста “зачыталі да дзірак”.

Прэзентацыя факсімільнага выдання пройдзе ў Нацыянальнай бібліятэцы Беларусі напярэдадні Дня ведаў і Дня беларускага пісьменства. І гэта невыпадкова, бо з буквара пачынаецца шлях да ведаў. Сёння па кнігах з назвай “Буквар” вучацца ў многіх краінах свету.

Маштабны праект па факсімільным узнаўленні выдання 1618 года закліканы зрабіць першы “Буквар” даступным для шырокай аўдыторыі і прадэманстраваць высокую каштоўнасць культурнай спадчыны нашага народа.


Прэзентацыя пачнецца а 16-й гадзіне ў атрыуме 2-га паверха.

Тэлефоны для даведак: (8 017) 293 27 81, 293 27 67.
Е-mail: pr@nlb.by

Чытайце таксама пра прэзентацыю факсімільнага выдання першага "Буквара".

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

У кніжным царстве

19.09.2019

19 верасня дзіцячы пакой запрашае дзяцей 5–10 гадоў на святочнае мерапрыемства, прысвечанае Дню бібліятэк “У кніжным царстве”.

Дакладнасць думкі, густ, майстэрства

12.09.2019

З 12 верасня па 7 кастрычніка ў зале дакументаў па мастацтве (пам. 306) праходзіць кніжна-ілюстрацыйная выстаўка “Дакладнасць думкі, густ, майстэрства”, прысвечаная 90-годдзю з дня нараджэння народнага мастака Беларусі, графіка Арлена Міхайлавіча Кашкурэвіча.

Будучыня планеты без ядзернай зброі

13.09.2019

З 13 верасня да 13 кастрычніка ў зале дакументаў міжнародных арганізацый бібліятэкі (2-гі паверх, пам. 207g) адкрыта тэматычная кніжная выстаўка “Будучыня планеты без ядзернай зброі”, прысвечаная Міжнароднаму дню барацьбы за поўную ліквідацыю ядзернай зброі.

Сустрэча з адвакатам аб правах і гарантыях маладога спецыяліста

18.09.2019

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Неспакойнае сэрца

06.09.2019

З 6 верасня па 24 кастрычніка запрашаем наведаць ў зале беларускай літаратуры (пам. 205) кніжную выстаўку “Неспакойнае сэрца”, прысвечаную 100-годдзю з дня нараджэння беларускага пісьменніка, сцэнарыста, заслужанага работніка культуры Беларусі, лаўрэата Літаратурнай прэміі імя І. Мележа Алеся Асіпенкі (1919–1994).



111