17 лютага ў выставачным комплексе бібліятэкі (пам. 104) пачала працу экспазіцыя “Жывыя крыніцы”.
Выстаўка падрыхтавана Нацыянальнай бібліятэкай Беларусі сумесна з Беларускім саюзам майстроў народнай творчасці ў межах Года гістарычнай памяці.
У адкрыцці праекта прынялі ўдзел генеральны дырэктар Нацыянальнай бібліятэкі Беларусі Аксана Юр’еўна Кніжнікава, старшыня Беларускага саюза майстроў народнай творчасці Яўген Міхайлавіч Сахута і народны майстар Беларусі, удзельніца выстаўкі Вольга Барысаўна Хачкова.
Традыцыйная народная творчасць − адзін з найбольш дзейсных спосабаў самавыяўлення народа, магчымасць заявіць пра сябе ўсяму свету. Са старадаўніх часоў да сённяшніх дзён беларусамі захаваны многія віды і формы традыцыйнай мастацкай творчасці: разьба па дрэве, ганчарства, кавальства, ткацтва, вышыўка, роспіс, пляценне з прыродных матэрыялаў.
На выставачным праекце прадстаўлены калекцыя посуду з лазы аматарскага аб’яднання “Вербачка”, выцінанкі Людмілы Валковіч-Борыс і Лізаветы Чырвонцавай, вышыўка і ткацкія вырабы Марыны Гушчы і Ірыны Забаўскай, ганчарны посуд Васіля Логвіна і Мікалая Стрэльчанкі, саломапляценне Алёны Грынь і Алы Аўсяннікавай, дэкаратыўныя пано ў тэхніцы мастацкіх роспісаў Ірыны Церашковай і Святланы Скавырка, вялікодныя пісанкі Вольгі Хачковай, дробная гліняная пластыка Васіля Якавенкі, вырабы з бісеру Веры Пярмінавай і Алены Артынскай, міфалагічныя і фальклорныя лялькі аб’яднання “Папараць-кветка” і шмат іншых узораў мастацкіх рамёстваў, якія дэманструюць напрамкі развіцця народнага мастацтва Беларусі.
Спяшайцеся пабачыць працы звыш ста майстроў народнай творчасці з усіх рэгіёнаў Беларусі!
У рамках выставачнага праекта пройдуць прэзентацыі і майстар-класы па стварэнні цацак з саломкі, паштовак з выцінанкай і цікавыя сустрэчы.
Запрашаем наведаць экспазіцыю да 23 ліпеня 2022 г.
Дата заканчэння яе працы можа быць зменена.
Час работы выстаўкі адпавядае рэжыму работы бібліятэкі.
Кошт квіткоў складае:
- для дарослых – 6 рублёў;
- для навучэнцаў сярэдніх, сярэднеспецыяльных і вышэйшых устаноў – 3 рублі;
- сямейны квіток (2 дарослых з дзіцём да 16 гадоў) – 11 рублёў;
- сямейны квіток (2 дарослых з 2 дзецьмі да 16 гадоў) – 13 рублёў;
- шматдзетныя сем’і (пры прад'яўленні дакумента) – 13 рублёў.
- дзеці да 7 гадоў і выхаванцы дзіцячых дамоў, людзі з абмежаванымі магчымасцямі (пры прад’яўленні дакумента);
- суправаджаючыя груп школьнікаў, выхаванцаў устаноў адукацыі (1 чалавек на 10 дзяцей).
Тэлефоны для даведак: (8 017) 368 37 37, 293 27 50.
Глядзіце таксама рэпартаж тэлеканала "Беларусь 1" пра этнапраект і відэа пра майстар-класы, якія арганізуюцца ў яго межах.