ГалоўнаяНавіныПраект “100 дзён да Вялікай Перамогі. Па старонках беларускіх газет 1945 г.”
11 сакавіка 1945 года. 60 дзён да Перамогі
Музычная вясна пачалася фартэпіянным канцэртам

10 сакавіка 1945 года. 61 дзень да Перамогі

10 сакавіка 1945 года. 61 дзень да Перамогі
Іншыя навіны

75-годдзю Перамогі ў Вялікай Айчыннай вайне прысвячаецца новы праект Нацыянальнай бібліятэкі Беларусі – “100 дзён да Вялікай Перамогі. Па старонках беларускіх газет 1945 г.”.
З 30 студзеня па 9 мая 2020 г. штодня на партале бібліятэкі публікуюцца матэрыялы, якія адлюстроўваюць хроніку навін і падзей з публікацый адпаведнага перыяду ў газетах Савецкай Беларусі 1945 г.

Узяцце горада Штольп. Мірныя клопаты БССР. Адраджэнне конегадоўлі. Бібліятэчныя навіны. Аднаўленне дзіцячых санаторыяў. Газеты: "Звязда" (№ 47), "Советская Белоруссия" (№ 46).

Ва Усходняй Памераніі войскі 2-га Беларускага фронту авалодалі горадам Штольп – важным транспартным вузлом і апорным пунктам абароны. Пра наступленне нашых войскаў у Германіі падрабязна паведамляецца і ў аператыўнай зводцы Саўінфармбюро, і ў артыкулах карэспандэнтаў ТАСС. Саюзная авіяцыя буйнымі сіламі здзейсніла налёты на заводы па вытворчасці бензолу і сінтэтычнага паліва ў Руры, на танкавыя заводы ў Касэлі (“Звязда”, № 47, “Советская Белоруссия”, № 46).

20200226_140439.jpgПакуль працягваецца наступленне нашых войскаў у Германіі, у БССР вядуцца работы па нарыхтоўцы і вывазцы лесу, востра ставіцца пытанне аб падрыхтоўцы спецыялістаў для будаўнічай галіны. Ідзе актыўная падрыхтоўка да веснавой сяўбы, часткай якой з'яўляецца турбота аб жывых "трактарах" – конях. У выдадзенай у пачатку 1945 г. брашуры "Аб мерах па павелічэнню пагалоўя коней і палепшанню за імі догляду і ўтрымання ў калгасах і саўгасах" гаворыцца пра тое, што за час акупацыі пагалоўе коней рэзка скарацілася, пагаршэнне ўмоў утрымання прывяло да хвароб; племянное пагалоўе часткова знішчана, часткова вывезена ў Германію. Далей у некалькіх раздзелах прыведзены меры па адраджэнні галіны. Кадравую праблему пакліканы быў вырашыць Гомельскі конегадоўчы заатэхнікум. Таксама былі прадугледжаны спецыяльныя надбаўкі і прэміі за эфектыўную працу па ўтрыманні і вырошчванні коней. (Кніга захоўваецца ў фондзе Нацыянальнай бібліятэкі Беларусі).

У гэты дзень былі апублікаваны і бібліятэчныя навіны. У студзені 1945 г. у Радашковічах (Маладзечанскі раён Мінскай вобласці) была арганізавана бібліятэка, якая цяпер становіцца ўсё больш папулярнай сярод насельніцтва, фонд яе налічвае больш за тысячу кніг, а нядаўна сюды з Ленінграда даслалі мастацкую класіку; таксама для 18-ці хат-чытальняў раёна ўкамплектаваны невялікія бібліятэчкі папулярнай літаратуры.

А Дзяржаўная бібліятэка БССР імя У.І. Леніна размясціла аб'яву аб вакансіі – ёй "патрабуюцца на пастаянную працу: бібліятэкары, памочнікі бібліятэкараў, бібліятэчныя тэхнікі, сакратар, галоўны бухгалтар, машыністка, экспедытар, вартаўнікі, прыбіральшчыцы, гардэробшчыцы і дворнік" ("Советская Белоруссия", № 46).

Цікавы матэрыял аб некаторых мерах па аднаўленні здароўя дзяцей ёсць у газеце "Звязда" (№ 47). Да вайны ў БССР была сфарміравана шырокая сетка лекавых санаторыяў. Пасля вызвалення гэтыя ўстановы паступова пачалі аднаўляцца. Так, у Астрашыцкім Гарадку Мінскай вобласці абноўлены і працуе дзіцячы санаторый на 60 месцаў для лячэння туберкулёзу; падобныя санаторыі, але ўжо па 200 месцаў, плануецца адкрыць у Новай Ельні Дзятлаўскага раёна Баранавіцкай вобласці (цяпер Гродзенскай) і ў Свірскім раёне; таксама да канца года плануецца адкрыць на беразе маляўнічага возера Свір у Маладзечанскай вобласці (цяпер Мінскай) санаторый для лячэння нервовых захворванняў. У Мінску аднавіў сваю працу Інстытут туберкулёзу (сёння гэта Рэспубліканскі навукова-практычны цэнтр пульманалогіі і фтызіятрыі, які у 2018 годзе адзначыў сваё 90-годдзе).

Да Перамогі заставаўся 61 дзень...

Аўтар публікацыі: Л. Тупчыенка-Кадырава, аддзел карпаратыўнага ўзаемадзеяння.

Усе матэрыялы праекта даступны на партале НББ і сайце “Беларусь у інфармацыйнай прасторы”.

Навіны

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

30 сакавіка 1945 года. 41 дзень да Перамогі

30 Сак 2020

Узяцце Данцыга (Гданьска) і лісты-падзякі з Польскай рэспублікі. Падрыхтоўка тарфянікаў да сезону. Папаўненне ў Беларускім дзяржаўным музеі гісторыі Вялікай Айчыннай вайны. Дыспут у чытальнай зале бібліятэкі Дома партыйнай асветы. Газеты: “Звязда” (№№ 58, 59), “Советская Белоруссия” (№№ 57, 58, 60), “Совецкая радзіма” (№ 49).

Праект “100 дзён да Вялікай Перамогі. Па старонках беларускіх газет 1945 г.”

29 сакавіка 1945 года. 42 дні да Перамогі

29 Сак 2020

У зводцы Саўінфармбюро. Рабочы план на пасяўную. Бібліятэкі Воранаўскага раёна. Газеты: “Ленінскі шлях” Горацкага раёна (№ 23), “Путь соціалізма” Воранаўскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

28 сакавіка 1945 года. 43 дні да Перамогі

28 Сак 2020

Узятыя Штрэлен і Рыбнік. Фаўстпатроны у Рыбніку. Заява Эйзенхаўэра. У Акадэміі навук БССР. Ганусаўская доследная станцыя. Газеты: “Звязда” (№ 57), “Советская Белоруссия” (№ 56).

Праект “100 дзён да Вялікай Перамогі. Па старонках беларускіх газет 1945 г.”

111