7 сакавіка, напярэдадні жаночага свята, у галерэі “Лабірынт” прайшоў першы канцэрт з цыкла публічных мерапрыемстваў “Гадзіна музыкі”.
Піяніст і кампазітар Андрэй Кіранаў выклікаў шчырае захапленне сваёй віртуознай ігрой, цудоўным выкананнем класічнага рэпертуару і твораў уласнага сачынення.
Прагучалі творы Ф. Ліста, С. Пракоф’ева, М. Мусаргскага, А. Друкта. Эмацыянальнае выкананне нумароў з Партыты для фартэпіяна фа мінор Г. Свірыдава ўвянчалася авацыямі гледачоў.
11 сакавіка запрашаем на лекцыю “Музычная культура Беларусі перыяду Вялікага Княства Літоўскага. Сярэднявечча” ў залу нотных і аўдыявізуальных дакументаў (пам. 305).
Уваход вольны (пры наяўнасці чытацкага білета або пропуску сацыякультурнага цэнтра).
Тэлефон для даведак: (8 017) 293 27 52.
Матэрыял прадастаўлены аддзелам абслугоўвання спецыялізаванымі фондамі.
