ГалоўнаяНавіныНавіны бібліятэк
Да 70-годдзя паэта-песенніка Фёдара Баравога
Яго называлі беларускім Бялінскім

Вынаходнiк аквавiты

Вынаходнiк аквавiты
Іншыя навіны

«У наш век людзi энергiчна ўзялiся за ўладжванне свайго матэрыяльнага дабрабыту. Проста, як глянеш навокал, дык ледзь не «стервенеешь».

Чалавек, якi так разважаў, нарадзiўся 120 гадоў таму, i развагi падобныя занатоўвалiся, калi ён быў у высылцы, у смяротнай небяспецы, i кожнае неасцярожнае слова магло загубiць. Яго звалi Адам Бабарэка, i ён быў адным з самых адукаваных i таленавiтых людзей свайго часу.

Скончыў духоўную семiнарыю

Доўгi час лiчылася, што Адам нарадзiўся ў сям’i беззямельнага селянiна. Але на самай справе бацька Адама быў шаўцом, уладальнiкам невялiкага млына i галантарэйнай крамы. Але ён памёр, мацi выйшла замуж за iншага — а з айчымам адносiны ў Адама не заладзiлiся. I ў статусе сiраты ён паступiў у Слуцкую бурсу, затым скончыў Мiнскую духоўную семiнарыю. Юны Адам быў бунтаром i скептыкам, i ўжо ў якасцi сельскага настаўнiка вёў такiя светапоглядныя спрэчкi з мясцовым святаром, што быў абвешчаны «адшчапенцам i герэтыком».

Кiнуў пiсаць прозу

Бабарэка адразу заявiў пра сябе як пра таленавiтага пiсьменнiка. Акрамя таго, у адрозненне ад iншых пачаткоўцаў, вясковых хлопцаў з багажом рабфаку, у яго была класiчная адукацыя i веданне моў. У 1925 годзе выйшла першая кнiга Бабарэкi — «Апавяданьнi». Сустрэлi яе ўхвальна. Але дваццацiшасцiгадовы аўтар раптам абвясцiў, што гэтая кнiга будзе апошняй. Больш нi апавяданняў, нi вершаў пiсаць не стане. Зоймецца больш патрэбным для Беларусi — лiтаратурнай крытыкай. I слова стрымаў.

A_Babareka_kniha.jpg

Адам Бабарэка пасля першага поспеху адмовiўся ад кар’еры пiсьменнiка на карысць лiтаратурнай крытыцы.

Яго празвалi Гераклiтам Цёмным

Творы Бабарэкi‑крытыка вельмi чытальныя, смелыя, гучаць сучасна. А вось Бабарэка‑прамоўца, падобна, валодаў супрацьлеглым стылем. Чалавекам ён быў добрым, далiкатным, але празвалi яго Гераклiтам Цёмным — па аналогii са старажытнагрэчаскiмi фiлософамi, за тое, што свае думкi выказваў вельмi блытана i доўга.

Сфармуляваў паняцце аквiтызму

Адам Бабарэка быў адным з тых, хто ствараў аб’яднанне «Маладняк», затым «Узвышша». Сакрэт назвы «Узвышша» знаходзiм у нататнiках Бабарэкi: «Асноўны характар Беларусi ў тым, што яна вузел Усходу i Захаду, Поўдня i Поўначы, цэнтр Еўропы, узвышша, з якога разыходзяцца рэкi ва ўсе бакi. Кругом узвышша, а ў сярэдзiне балота (крынiцы), — гэтак высмактаныя прабежнымi рэкамi. Акавiта выцякала рэчкамi ў моры чалавецтва, у выключна чужыя культуры». I менавiта Бабарэка прыдумаў прынцыпы вiтаiзма i аквiтызма ў беларускай лiтаратуры. Вiтаiзм — ад лацiнскага «жыццё», «сiнтэз, стройная сугучнасць рамантызму жыцця з яго рэалiзмам». Аквiтызм — жывая вада, «iмклiвасць, якой прасякаецца мастацкi твор у сваiм iдэале».

Займаўся «сдвигологией»

Бабарэка сачыў за ўсiм, што адбывалася ў сусветнай лiтаратуры. Захапiлi яго i даследаваннi футурыстаў наконт гукапiсу. У прыватнасцi «сдвигологии». Гэта калi на сутыччы слоў з’яўляюцца новыя сэнсы, паэтам не заўважаныя. Бабарэка пiльна адсочваў гукапiс вершаў, бо лiчыў, што «рытмы i мелодыi выклiкаюць вобразы карцiнныя».

На яго спiне былi выразаны зоркi

Калi Бабарэка ў савецкi час працаваў настаўнiкам i павёў сваiх вучняў на экскурсiю ў Пiшчалаўскi замак, тыя заўважылi, што праз белую кашулю на яго спiне прасвечваецца нешта незразумелае. Настаўнiк з няёмкасцю прызнаўся, што калi ў 1920‑х быў арыштаваны польскiмi ўладамi i трапiў у дэфензiву, давялося прайсцi ў слуцкай турме праз катаваннi, i ў тым лiку на яго спiне выразалi дзве вялiкiя зоркi.

Архiў захаваўся дзякуючы маленькай дачцэ

Давялося прайсцi i праз рэпрэсii 1930‑х. Калi Бабарэку арыштоўвалi першы раз, жонцы Ганне ўдалося цудам схаваць яго архiў. Паклiкала малую дачку Алесю, загадала легчы на канапу i зрабiць выгляд, што спiць. Падчас ператрусу дзiця падымаць не сталi, а ў канапе знаходзiлася таемная скрынка з паперамi.

У высылцы спяваў з сям’ёй беларускiя песнi

Жонка з дзвюма малымi дачкамi прыехала да Бабарэкi ў высылку, у гарадок Слабадскi на рацэ Вятцы. Па вечарах садзiлiся ў цемры ўсёй сям’ёй на канапе i спявалi беларускiя песнi — «Зорку Венеру», «А ў полi вярба», «У бубны дахаў вецер б’е», «Не загаснуць зоркi ў небе».

Пiсаў лiсты на каробцы з‑пад зубнога парашку

У 1937‑м Адама Бабарэку арыштавалi паўторна, на гэты раз ён трапiў у лагер. Толькi праз год родныя атрымалi ад яго лiст, якi быў напiсаны на пяцi кавалачках рашчэпленага кардону, адарваных ад каробкi з‑пад зубнога парашку. А канверцiк быў зроблены з пустой пачкi з‑пад махоркi.

Знясiлены Адам Бабарэка памёр у лагернай бальнiцы 10 кастрычнiка 1938 года. Яшчэ нейкi час родныя слалi яму лiсты, грошы, пасылкi. Пра смерць Бабарэкi iм паведамiў чалавек, якi вызвалiўся з лагера.

Аўтар публікацыі: Людміла Рублеўская.

Крыніца: СБ – Беларусь сегодня

Навіны

Краязнаўчыя рэсурсы публічных бібліятэк на віртуальнай пляцоўцы НББ

27 Ліс 2020

24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.

Навіны Нацыянальнай бібліятэкі Беларусі

Больш, чым пісьменнік: адкрылася выстаўка “Княства вобразаў і слоў” (+ відэа)

26 Ліс 2020

26 лістапада а 17-й гадзіне ў галерэі “Мабільная” (3-ці паверх) адбылося адкрыццё выстаўкі “Княства вобразаў і слоў”. Экспазіцыя прымеркавана да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Навіны Нацыянальнай бібліятэкі Беларусі

У бібліятэцы прайшло пасяджэнне калегій міністэрстваў культуры Беларусі і Расіі

27 Ліс 2020

26 лістапада ў Нацыянальнай бібліятэцы Беларусі адбылося сумеснае пасяджэнне калегій Міністэрства культуры Рэспублікі Беларусь і Міністэрства культуры Расійскай Федэрацыі.

Навіны Нацыянальнай бібліятэкі Беларусі

#BelBookChallenge 2020 – на старт!

27 Ліс 2020

Калі вы даўно хацелі бліжэй пазнаёміцца з сучаснай беларускай літаратурай, але Сусвет усё ніяк не падаваў вам знак, то – вось ён! З 26 лістапада па 6 лютага ў гонар 90-годдзя з дня нараджэння Уладзіміра Караткевіча Нацыянальная бібліятэка запускае кніжны чэлендж. Кіньце кніжны выклік самому сабе!

Навіны Нацыянальнай бібліятэкі Беларусі

Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!

25 Ліс 2020

25 лістапада на XXIV Агульным сходзе членаў некамерцыйнага партнёрства “Бібліятэчная асамблея Еўразіі” (БАЕ) прайшлі выбары прэзідэнта.

Навіны Нацыянальнай бібліятэкі Беларусі

111