Саюз пісьменнікаў Беларусі раней агучыў мерапрыемствы, якія будуць праводзіцца ў Год кнігі: сустрэчы, кнігавыданне, пераклады, а беларускія пісьменнікі збіраюцца асабіста даваць урокі беларускай мовы.
Так, сумесна са сталічнай гімназіяй № 7 члены Саюза пісьменнікаў Беларусі правялі заняткі па беларускай мове. Урокі, кажуць, прайшлі на “ўра”. А Міністэрства адукацыі атрымала прапанову правесці такія ўрокі па ўсёй краіне – па рускай і беларускай літаратурах.
Старшыня Саюза пісьменнікаў Беларусі Мікалай Чаргінец у гутарцы з карэспандэнтам “Звязды” Ларысай Цімошык патлумачыў нядаўнюю ініцыятыву:
– Але можна пайсці і далей. Сябры Саюза пісьменнікаў Беларусі прапанавалі раіць розным арганізацыям і ўстановам паступова праводзіць курсы беларускай мовы. Але каб усё было добраахвотна, нікога сілай не цягнуць. Затое ў вывучэнні беларускай мовы людзей можна заахвоціць: прапаноўваць раней на гадзіну скончыць працу тым, хто ходзіць вывучаць беларускую мову, каб яны адчувалі маральную падтрымку. Наша пазіцыя – зрабіць усё, каб беларуская мова гучала больш.
Аднак не забываюцца пісьменнікі і пра тое, каб іх творы перакладаліся на іншыя мовы, – ужо ёсць пераклады на 14 моў свету.
Чытайце падрабязней: газета “Звязда”