ГалоўнаяНавіныНавіны бібліятэк
Найважнейшая справа
Віншуем дарагіх калег з Днём маці!

У Мінску шведская пісьменніца і мастачка Сара Лундберг распавядзе, што рабіць з марамі

У Мінску шведская пісьменніца і мастачка Сара Лундберг распавядзе, што рабіць з марамі
Іншыя навіны

Візіт Сары Лундберг у Беларусь арганізаваны ў межах выставачнага праекта “Прысутнасць” Нацыянальнага цэнтра сучасных мастацтваў.

У асобнай залі з 3 кастрычніка па 9 лістапада 2019 года экспануецца серыя ілюстрацый Сары Лундберг да дзіцячай кнігі “Птушка ўва мне ляціць, куды захоча”, якая выйшла ў беларускім перакладзе Надзеі Кандрусевіч у выдавецтве Koska ў 2018 годзе. Выстава і сустрэча арганізаваны пры падтрымцы дзяржаўнай Рады па культуры Швецыі і Пасольства Швецыі ў Мінску.

Сара Лундберг – шведская пісьменніца і мастачка. Нарадзілася ў 1971 годзе. У 1994 годзе скончыла Мастацкі каледж Уэстмінстэра, штат Мэрылэнд, ЗША, са ступенню кандыдата мастацтва і тэатра. У 2008 годзе скончыла Акадэмію мастацтваў у Стакгольме. У 2009 годзе дэбютавала са сваёй першай кнігай “Віта Белая Крэска” адначасова як аўтарка і як ілюстратарка.

У 2011 годзе працяг кнігі “Віта Белая Крэска і Эйвінд” быў намінаваны на прэмію Аўгуста.

У 2017 годзе Сара Лундберг атрымала прэмію Аўгуста за кнігу “Птушка ўва мне ляціць, куды захоча”, якая была прызнана найлепшай кнігай года ў Швецыі для дзяцей і падлеткаў.

Выстава Сары Лундберг – кампазіцыя з ілюстрацый мастачкі да кнігі “Птушка ўва мне ляціць, куды захоча”. Гісторыя, натхнёная жыццём, працай, лістамі і дзённікамі шведскай мастачкі Бэрты Хансан.

На пачатку 1900-х у вёсцы Хамердаль у Швецыі нарадзілася дзяўчынка, якую назвалі Бэртай. Больш за ўсё на свеце яна любіла маляваць і марыла стаць мастачкай. Але ў той час атрымаць мастацкую адукацыю было надзвычай складана. Асабліва дзяўчынцы з простай сялянскай сям’і. Бэрта мусіла дапамагаць па гаспадарцы, калі яе маці захварэла на сухоты.

Але што рабіць з марамі і жаданнямі? Ці спраўдзяцца яны?

18 кастрычніка 2019 года а 18:00 у памяшканні Нацыянальнага цэнтра сучасных мастацтваў (Мінск, вул. Някрасава, 3) адбудзецца сустрэча са шведскай мастачкай і пісьменніцай Сарай Лундберг, у рамках якой таксама запланавана аўтограф-сесія. Уваход вольны.
Крыніца: Новы час

Навіны

Знаёмыя і малавядомыя старонкі творчасці Агінскага

15 Ліс 2019

Дзяржаўны дзеяч, палітык, дыпламат і кампазітар. Міхал Клеафас Агінскі – імя, якое ведае кожны, а яго паланэз “Развітанне з Радзімай” з’яўляецца найбольш вядомым музычным творам. Аднак не многія ведаюць, што кампазітарам было напісана больш за 70 твораў, сярод якіх оперы, вальсы і мазуркі.

Навіны Нацыянальнай бібліятэкі Беларусі

Нацыянальная бібліятэка Беларусі на адной з галоўных у свеце дыскусійных пляцовак

15 Ліс 2019

Дырэктар Нацыянальнай бібліятэкі Беларусі Раман Матульскі прыняў удзел у рабоце VIII Санкт-Пецярбургскага міжнароднага культурнага форуму, які праходзіць з 14 па 16 лістапада 2019 г. i прысвечаны тэме культурных кодаў ва ўмовах глабалізацыі. Штогод Форум прыцягвае тысячы экспертаў і гасцей з усяго свету.

Навіны Нацыянальнай бібліятэкі Беларусі

Супрацоўнікі бібліятэкі сустрэліся з кіраўніком адміністрацыі Першамайскага раёна

14 Ліс 2019

14 лістапада ў Нацыянальнай бібліятэцы Беларусі прайшла сустрэча працоўнага калектыву з кіраўніком адміністрацыі Першамайскага раёна Ігарам Кудрэвічам.

Навіны Нацыянальнай бібліятэкі Беларусі

XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі”

14 Ліс 2019

У Аб’яднаным інстытуце праблем інфарматыкі НАН Беларусі 21 лістапада 2019 года пройдзе XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі (РІНТІ–2019)”.

Навіны бібліятэк

Валерый Славук прапануе чытаць Макса Фрая

14 Ліс 2019

У лістападзе прыхільнікаў графікі і ў прыватнасці творчасці Валерыя Славука парадавала з’яўленне новай серыі кніг – “Палац мастацтва” (і гэта невыпадкова, бо ўсе мастакі, творчасць якіх будзе адлюстравана на яе старонках, неаднаразова выстаўляліся ў галоўным храме мастацтва Беларусі).

Аўтарскі погляд

111