Свой чарговы ўрок па беларускай літаратуры навучэнцы Гомельскага дарожна-будаўнічага каледжа правялі 16 снежня ў Гомельскай абласной універсальнай бібліятэцы.
Жыццё і творчасць народнага пісьменніка Беларусі І.Я. Навуменкі абрана тэмай гэтых незвычайных заняткаў.
У праграму ўрока ўвайшлі экскурсія па бібліятэцы, кароткі агляд жыцця і творчасці пісьменніка.
Адбылося знаёмства з музейнай экспазіцыяй, прысвечанай 85-й гадавіне з дня нараджэння І.Я. Навуменкі, і з віртуальнымі музеямі пісьменнікаў-землякоў, іншымі электроннымі рэсурсамі.
На кніжнай выстаўцы, акрамя мастацкіх твораў, дэманстраваліся і навуковыя манаграфіі.
Асаблівую ўвагу наведвальнікаў выклікалі кнігі з аўтографам, а таксама запіс ў Кнізе ганаровых гасцей, што зроблены І. Навуменкам падчас чытацкай канферэнцыі па яго творах ў 1963 годзе.
Крыніца: Гомельская абласная ўніверсальная бібліятэка імя У. І. Леніна