З 17 снежня па 20 студзеня ў зале выяўленчых і відэадакументаў (пам. 307) ладзіцца выстаўка “З Новым годам!: святочны плакат з фондаў Нацыянальнай бібліятэкі Беларусі”.
На канкрэтных гістарычных этапах культурнае, палітычнае, эканамічнае жыццё адлюстроўвалася, перш за ўсё, у плакатным мастацтве – самым набліжаным да народных мас, дэмакратычным і аператыўным відзе графікі.
Плакат ствараецца, як правіла, на патрэбу дня, з’яўляецца непасрэдным водгукам на пэўную падзею і не прызначаецца для доўгага выкарыстання. І ў той жа час дзякуючы гістарычнай і мастацкай каштоўнасці лепшыя работы займаюць месца ў адным шэрагу з сапраўднымі творамі мастацтва і становяцца знакамі эпохі.
Вялікае месца ў плакатным мастацтве займае такі кірунак, як святочны плакат. Гэтак жа, як газеты і часопісы, ён нясе на сабе адбітак імгненнасці і таму застаецца важнай крыніцай для ацэнкі ўспрымання таго або іншага свята мінулых гадоў.
Навагоднія плакаты ўжо даўно сталі традыцыйным аздабленнем свята. Яны ствараюць добры настрой і нагадваюць усім пра набліжэнне Новага года.
Выстаўка змяшчае больш за 30 плакатаў, прысвечаных святкаванню Новага года.
Экспазіцыя разлічана на ўсе катэгорыі чытачоў, якія цікавяцца гісторыяй графікі і плакатнага мастацтва.
Кантактны тэлефон: 293-27-58.
 |
 |
 |
|||||||||||||
 |
 |
 |
