ГалоўнаяНавіныНавіны бібліятэк
Пад небам Гродзеншчыны
Пра новы збор твораў Караткевіча

Пяць краін. Адзін Васіль Быкаў

Пяць краін. Адзін Васіль Быкаў
Іншыя навіны

Адзін з самых вядомых кінарэжысёраў сучаснасці Сяргей Лазніца, беларус родам з Баранавіч, у ваколіцах Даўгаўпілса здымае мастацкі фільм паводле аповесці Васіля Быкава "У тумане".


Дзеянне гістарычнай драмы, другога ігравога фільма Сяргея Лазніцы, раней больш вядомага як рэжысёра-дакументаліста, адбываецца ў акупаванай Беларусі ў 1942 годзе. "Тутэйшага вясковага мужыка, які яшчэ да вайны рабіў на чыгунцы", Сушчэню абвінавачваюць у супрацоўніцтве з немцамі. Але Сушчэня не вінаваты. І яму трэба неяк гэта даказаць...

Асэнсоўваюць паводзіны Сушчэні кінематаграфісты пяці краін. Акрамя Нацыянальнай кінастудыі "Беларусьфільм", у здымках фільма "У тумане" задзейнічаны кінематаграфісты з Германіі, Расіі, Латвіі і Нідэрландаў.

"У тумане" – гэта вельмі важны міжнародны мастацкі праект для айчыннай кінастудыі. Сапраўдная магчымасць прарэкламаваць даўно забыты за межамі нашай краіны брэнд. Вага працы беларускага боку насамрэч вялікая. Як распавяла прэс-сакратар кінастудыі "Беларусьфільм" Валянціна Белякова, студыя забяспечвае праект рэквізітам, касцюмамі і некаторымі іншымі тэхнічна неабходнымі рэчамі. Звядзенне гуку фільма "У тумане" плануецца рабіць на беларускай кінастудыі.

Акрамя таго, галоўную ролю ў гэтай карціне сыграе малады беларускі акцёр Уладзімір Свірскі. Сяргей Лазніца сам выбраў выпускніка ГІТІСа на ролю Сушчэні. Гэтая роля стане першай галоўнай роляй Уладзіміра ў кіно. Гукарэжысёр карціны таксама беларус – вядомы спецыяліст Уладзімір Галаўніцкі, які працаваў над такімі фільмамі, як "Блакада" і "Як я правёў гэтым летам". Шмат тэхнічных супрацоўнікаў кінастудыі задзейнічана ў міжнародным кінапраекце.

– Здымкі восеньскага блоку фільма ўжо закончаны, – распавядае Валянціна Белякова. – Зімовы блок плануецца даздымаць у студзені. Бо рэжысёру патрэбна зімовая натура. Для кіно такія перапынкі ў здымках – гэта нармальная практыка.

Ведаючы аўтарскі стыль Лазніцы, думаецца, што фільм павінен атрымацца гарманічным, сугучным літаратурнай першакрыніцы. Мінімалістычны, стрыманы ў сэнсе стылю. Але вельмі напружаны канцэптуальна. І экзістэнцыяльна. Сімвалічна, што пасля даволі вялікага перапынку ў нас зноў асэнсоўваюць творчасць Васіля Быкава сродкамі кіно. Адметна, што ў фільме з вуснаў некаторых герояў прагучыць беларуская мова.

Прэм’еру фільма "У тумане" абяцаюць вясной 2012 года.

Крыніца: газета "Звязда" 26 лістапада 2011 г.

Чытайце таксама:
Фильм Лозницы по повести Быкова выйдет в 2012 году

Навіны

26 Сту 2021

“Беларуская Энцыклапедыя імя Петруся Броўкі” па заказе і пры фінансавай падтрымцы Міністэрства інфармацыі Рэспублікі Беларусь выдала персанальную энцыклапедыю “Уладзімір Караткевіч”. Аддрукавана кніга ў 65, 45 улікова-выдавецкіх аркушаў тыражом 1 000 экзэмпляраў на ААТ “Паліграфкамбінат імя Якуба Коласа”.

Навіны бібліятэк

#BelBookChallenge прапануе: кніга, дзе ён яе кахае, а яна яго не

27 Сту 2021

BelBookChallenge працягвае адшукваць літаратуру для цікавага чытання! У гэты раз падрыхтуйце свае насоўкі і ўвесь запас суперажывання: наша тэма заўжды актуальная і знаходзіць водгук ў сэрцах літаральна кожнага чытача. Сёння мы падабралі для вас кнігі, дзе ён яе кахае, а яна яго не – і наадварот, бо мы за роўнасць ва ўсім. Нават ў неўзаемным каханні.

Блог прафесійнага чытача

Размешчана праграма навукова-практычнага семінара “Шляхамі маладнякоўцаў”

26 Сту 2021

27 студзеня ў Нацыянальнай бібліятэцы Беларусі пройдзе навукова-практычны семінар “Шляхамі маладнякоўцаў”, прысвечаны юбілеям пісьменнікаў-маладнякоўцаў: 135-годдзю Змітрака Бядулі (1886–1941) і 120-годдзю Міхася Зарэцкага (1901–1937).

Навіны Нацыянальнай бібліятэкі Беларусі

23 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Бібліятэкарам
111