ГалоўнаяНавіныНавіны бібліятэк
Гісторык і музыка Яраш Малішэўскі: “Хочацца абудзіць у людзях ахвоту падарожнічаць”
Паважаныя сябры!

Музыка Манюшкі натхняе

Музыка Манюшкі натхняе
Іншыя навіны

Творчасць родапачынальніка беларускай і польскай опер Станіслава Манюшкі натхняе служыцеляў іншых муз на ўвекавечанне яго вобраза. У Мінску дэманструецца выстава твораў жывапісу, графікі і скульптуры, прысвечаная 200-годдзю з дня нараджэння слыннага кампазітара.

Уражваюць велічныя алейныя партрэты класіка, выкананыя Святланай Урублеўскай і Віктарам Варанкевічам, графічны партрэт, створаны Алесем Марай, трыпціх Рыгора Таболіча.

Разнастайнасць экспазіцыі дадаюць акварэльныя выявы сядзібы сям’і кампазітара ў Убелі пэндзля Міколы Купавы, графічная выява касцёла Святой Ганны ў Вільні, створаная Рыгорам Сітніцам, інсталяцыя Аляксея Фралова “Смілавічы. Камяні, якія гучаць”. Свае працы прадставілі і Марта Шматава, Валянціна Шоба, Кацярына Сумарава.

У зале галерэі мы сустрэліся з вядомым скульптарам Львом Мікалаевічам Гумілеўскім, лаўрэатам дзяржаўнай прэміі БССР, аўтарам бронзавага бюста Станіславу Манюшку, якія глядач можа пабачыць на выставе.

Леў Мікалаевіч – аўтар шматлікіх помнікаў дзеячам культуры Беларусі. Некалькі гадоў таму Лёў Гумілеўскі і яго сын Сяргей выйгралі конкурс на права ўзвядзення помніка Станіславу Манюшку і Вінцэнту Дуніну-Марцінкевічу. Помнік быў адкрыты ў 2016 годзе ў Верхнім горадзе і сёння карыстаецца вялікай пашанай у мінчукоў і гасцей сталіцы.

– Помнік Манюшку і Дуніну-Марцінкевічу быў узведзены побач з ратушай, – распавёў Леў Гумілеўскі. – Манюшка жыў з сям’ёй непадалёку ад плошчы Свабоды, а ў будынку ратушы знаходзілася музычная школа, якую ён наведваў.

Я ўжо шмат гадоў працую над вобразамі нашых вядомых літаратараў, класікаў. – У 1972 г. па нашым з Анатолем Анікейчыкам праекце быў створаны помнік Янку Купалу ў скверы ля яго дома-музея. Працаваў я над вобразам Кірылы Тураўскага, які паўстаў у Гомелі.

Шмат маіх скульптур упрыгожваюць Нясвіж – выявы Юрыя Нясвіжскага, Мікалая Радзівіла Сіроткі, Яна Марыі Бернардоні і іншых. Справа ў тым, што пасля вайны мне з бацькамі давялося жыць у замку ў Нясвіжы. Міхась Канстанцінавіч Сеўрук, у якога я займаўся ў студыі, далучыў мяне да мастацтва на ўсё жыццё!

Па маёй задуме і з дапамогай майго сына Францішак Багушэвіч паўстаў у Смаргоні, Вінцэнт Дунін-Марцінкевіч – у Бабруйску, Вацлаў Ластоўскі – у Глыбокім, кампазіцыя “Балет” з’явілася паблізу Вялікага опернага тэатра ў Мінску. Для Нацыянальнай бібліятэкі Беларусі я выканаў трыпціх “Сказанне пра Нясвіж”. Зараз працую над вобразам Ларысы Геніюш.

Выстава, прысвечаная Станіславу Манюшку, будзе доўжыцца да 4 жніўня ў Гарадской мастацкай галерэі твораў Леаніда Шчамялёва (вул. Рэвалюцыйная, 10).

Гутарыла Эла Дзвінская, фота аўтара.

Матэрыял падрыхтаваны аддзелам суправаджэння інтэрнэт-партала.

Да 200-годдзя з дня нараджэння Станіслава Манюшкі Нацыянальная бібліятэка Беларусі падрыхтавала віртуальны праект "Музычны рамантык з Міншчыны".


Навіны

Віншуем з 85-годдзем Іну Іванаўну Сцепчанкову!

28 Сту 2020

28 студзеня спаўняецца 85 гадоў Іне Іванаўне Сцепчанковай, ветэрану Нацыянальнай бібліятэкі Беларусі, высокакваліфікаванаму спецыялісту бібліятэчнай справы, прафесіяналу з вялікай літары і проста выдатнаму чалавеку, зносіны з якім заўсёды прыносяць яе калегам творчае натхненне.

Партрэты: гісторыя бібліятэкі ў асобах

Раман Матульскі аб праекце да 75-годдзя Перамогі ў Вялікай Айчыннай вайне

28 Сту 2020

Госцем перадачы “Новая раніца” на “РТР-Беларусь” стаў генеральны дырэктар Нацыянальнай бібліятэкі Беларусі Раман Матульскі. У інтэрв’ю ён анансаваў праект “100 дзён да Вялікай Перамогі. Па старонках беларускіх газет 1945 г.”.

Навіны Нацыянальнай бібліятэкі Беларусі

Ужо заўтра па матэрыялах газет 1945 г. мы пачнём зваротны адлік 100 дням да перамогі ў Вялікай Айчыннай вайне

29 Сту 2020

Прапануем вам разам з Нацыянальнай бібліятэкай Беларусі прайсці гэты 100-дзённы шлях – з 30 студзеня па 9 траўня – і штодня знаёміцца з навінамі і падзеямі зімы – вясны 1945 г.

Навіны Нацыянальнай бібліятэкі Беларусі

Кніжныя прафесары сталі энцыклапедыстамі

27 Сту 2020

26 студзеня ў межах праекта “Клуб кніжных прафесараў” адбыліся заняткі на выставе “Энцыклапедыя: нацыянальны праект” з куратарам выставы і даследчыкам энцыклапедый Ксеніяй Сушай.

Навіны Нацыянальнай бібліятэкі Беларусі

111