Помнік Баркулабаўскай хроніцы, што мае быць адкрыты ў Быхаве ў час святкавання Дня беларускага пісьменства, ужо адліты і адпраўлены да месца, дзе ён будзе стаяць.
Як ужо паведамлялася, кампазіцыя ўяўляе з сябе кнігу, якая нібыта вырастае з зямлі. Гэта плён творчай працы чатырох скульптараў: Івана Арцімовіча, Васіля Цімашова, Аляксандра Сакалова і Паліны Піраговай.
Па словах Івана Арцімовіча, істотных змен у першапачатковы праект унесена не было – толькі ўдакладнены выявы на старонках кнігі. На адной змешчана выкананая ў тэхніцы невысокага рэльефу цудатворная ікона Баркулабаўскай Божай Маці, на другой – тэксты, дзе расказваецца пра знакавыя падзеі гісторыі Быхава. Выява іконы з’явілася ў помніку па просьбе жыхароў горада.
Тым часам яшчэ адзін помнік устаноўлены ў Слуцку: гэта скульптура, што сімвалізуе адраджэнне слуцкага пояса ў якасці знака беларускай нацыянальнай тоеснасці. Аўтар – Сяргей Гумілеўскі. Ён жа стварыў і скульптуру ткача, якая будзе стаяць ля ўвахода ў прадпрыемства “Слуцкія паясы”. Яна з’явіцца ў Слуцку ўжо неўзабаве.
Крыніца: газета “Культура”, 24.08.2013.
Чытайце таксама:
