Артыкул 19 Закона “Аб бібліятэчнай справе ў Рэспубліцы Беларусь” ад 11 лістапада 2002 г. № 147-3 папярэджвае: “Бібліятэчныя фонды дзяржаўных бібліятэк з’яўляюцца агульнанацыянальным здабыткам і ахоўваюцца дзяржавай”.
Захаванасць фонду – справа не толькі бібліятэк і іх супрацоўнікаў, але і кожнага карыстальніка. У верасні ў Гродзенскай абласной навуковай бібліятэцы імя Я.Ф. Карскага пройдуць акцыі “Беражы кнігу!” і “Новая кніга – бібліятэцы”.
Падчас акцыі “Беражы кнігу!” будуць распаўсюджвацца памяткі і закладкі з інфармацыяй аб правах і абавязках чытачоў, а таксама з заклікам больш беражліва ставіцца да інфармацыйных каштоўнасцей.
Акцыя “Новая кніга – бібліятэцы” будзе праводзіцца з мэтай папаўнення кніжнага фонду бібліятэкі.
Запрашаем арганізацыі і жыхароў Гродзеншчыны прыняць актыўны ўдзел у акцыях.
