У Нацыянальнай бібліятэцы Беларусі ўрачыста адкрылася штогадовая сацыяльна-культурная акцыя ў падтрымку чытання “Бібліяноч”!
Мы адправілі жыхарам і гасцям сталіцы бібліяімпульс – будзьце ў гэты вечар з намі, зараджайцеся ведамі і добрым настроем!
Свята пачалося ў холе бібліятэкі: мімы сустракаюць гасцей і знаёмяць усіх з праграмай вечара, каб кожны наведвальнік змог выбраць для сябе забаву даспадобы – гасцей чакаюць 22 тэматычныя пляцоўкі. Тэатралізаванае шоу дае старт доўгачаканай Бібліяночы!
Актыўныя квесты, “настолкі”, майстар-класы па танцах і дэкаратыўна-прыкладным мастацтве, этна-вечарына, лекцыі адваката, астрапсіхолага, астролага, нутрыцыёлага, імідж-стыліста, канцэрты, выступленні музыкантаў, шахматна-шашачныя турніры і многае іншае!
Дзяцей чакаюць аквагрым, майстар-класы, тэатральныя пастаноўкі і пазнавальная IT-праграма.
Усё толькі пачынаецца! Чакаем усіх, прыходзьце!
Вы яшчэ можаце паспець да 23.00!
Матэрыял пададзены аддзелам сувязей з грамадскасцю.