Калі вы яшчэ не паспелі наведаць кніжную выстаўку-кірмаш – не хвалюйцеся! Наперадзе два дні, якія будуць не менш насычанымі, чым папярэднія.
Запрашаем наведаць мерапрыемствы Нацыянальнай бібліятэкі Беларусі:
2 сакавіка з 11:00 да 11:30 (стэнд НББ) – прэзентацыя інфармацыйнага рэсурсу “Электронны архіў нацыянальнай перыёдыкі”, які змяшчае электронныя версіі газет, часопісаў і паведамленняў інфармацыйных агенцтваў, што выходзяць у Рэспубліцы Беларусь;.
2 сакавіка з 12:00 да 12:30 (стэнд НББ) – прэзентацыя “Віртуальны свет каштоўнасцей”, якая пазнаёміць з мультымедыйнымі віртуальнымі праектамі і выстаўкамі НББ. Вы даведаецеся аб тым, доступ да якіх калекцый бібліятэкі прадастаўлены на яе інтэрнэт-партале, каму могуць быць карысныя дадзеныя інфармацыйныя прадукты і як імі можна скарыстацца;
3 сакавіка з 10:00 да 11:00 (галоўная сцэна) – прэзентацыя “Кніга – галоўны экспанат”, на якой аўтарытэтныя выступоўцы дакажуць, што кніга можа быць не толькі крыніцай інфармацыі, але і цікавым экспанатам.
Месца сустрэчы – адміністратыўны комплекс на праспекце Пераможцаў, 14.
Тэлефоны для даведак: (8 017) 293 28 81, 293 28 23.