10 лютага пачала работу XVII Мінская міжнародная кніжная выстаўка-кірмаш, якая праходзіць у НВЦ "БелЭкспа".
Яе арганізатарамі выступілі Міністэрства інфармацыі Рэспублікі Беларусь, ГА "Беларуская асацыяцыя кнігавыдаўцоў і кнігараспаўсюджвальнікаў", ААТ "Белкніга", ВК ТАА "Макбел".
Сёлета свае кніжныя навінкі ў Беларусь прывезлі 619 удзельнікаў з 26 краін свету. Ганаровы госць XVII Мінскай міжнароднай кніжнай выстаўкі-кірмашу – Францыя.
Арганізатары мерапрыемства падрыхтавалі для наведвальнікаў цікавую і пазнавальную праграму. 11 лютага праходзіць традыцыйны "Бібліятэчны дзень", 12 лютага – "Дзень ведаў". У рамках выстаўкі-кірмашу запланаваны прэзентацыі шматлікіх навінак беларускіх і замежных выдавецтваў, літаратурныя сустрэчы, аўтограф-сесіі і інш.
Нацыянальная бібліятэка Беларусі традыцыйна прымае ўдзел у Мінскай міжнароднай кніжнай выстаўцы-кірмашы. Сёлета яна максімальна шырока дэманструе сваю выдавецкую дзейнасць: на стэндзе прадстаўлены электронныя і друкаваныя выданні, сувенірная і рэкламная прадукцыя.
У дзень адкрыцця выстаўкі Нацыянальнай бібліятэцы Беларусі быў уручаны дыплом за актыўны ўдзел.
 |
 |
 |
 |
 |
