28–29 верасня на базе Гродзенскай абласной навуковай бібліятэкі імя Я.Ф. Карскага падчас ХІІ Міжнародных гродзенскіх навуковых чытанняў “Ад першай сцяжынкі Францыска Скарыны” адбыўся выязны семінар “Сучасны стан і вектары развіцця бібліятэк Гродзенскай вобласці”.
Арганізатарамі мерапрыемства выступілі Міністэрства культуры Рэспублікі Беларусь, Нацыянальная бібліятэка Беларусі, галоўнае ўпраўленне ідэалагічнай работы, культуры і па справах моладзі Гродзенскага аблвыканкама, Гродзенская абласная навуковая бібліятэка імя Я.Ф. Карскага.
28 верасня на цырымоніі адкрыцця Гродзенскіх чытанняў у межах рэспубліканскай акцыі “Кніга – крыніца мудрасці, ведаў і навукі...” адбылася перадача ў дар камплектаў выданняў Панямуньскаму дзіцячаму дому і Гродзенскаму дому-інтэрнату для састарэлых і інвалідаў.
Удзельнікі семінара пазнаёміліся з працай інтэрактыўнага цэнтра навукі і тэхналогій – мультыцэнтра “Совушка” ў Гродзенскай абласной бібліятэцы.
У гэты ж дзень кіраўнікі разгледзелі перспектыўныя напрамкі развіцця бібліятэк Беларусі ва ўмовах інфарматызацыі, засяродзілі ўвагу на ключавых праблемах, якія патрабуюць аператыўнага вырашэння, у тым ліку з дапамогай дзяржаўнага рэгулявання.
Спецыялісты абмеркавалі шэраг праблемных пытанняў, у тым ліку звязаных з неабходнасцю выканання кантрольнага паказчыка дзяржаўнай праграмы “Культура Беларусі” на 2016–2020 гады па павелічэнні колькасці наведванняў на 4 % штогод ва ўмовах пастаяннага скарачэння сеткі публічных бібліятэк.
29 верасня ўдзельнікі пазнаёміліся з дзейнасцю інфармацыйна-адукацыйнага цэнтра Гродзенскай абласной бібліятэкі, прынялі ўдзел у працы бібліёбуса Гродзенскага раёна, наведалі публічныя бібліятэкі рэгіёна, размешчаныя ў аграгарадках Путрышкі, Абухава, Крупава, гарадах Скідзелі, Шчучыне і Лідзе.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
