7 верасня ў рамках мерапрыемстваў віртуальнай чытальнай залы Нацыянальнай бібліятэкі Беларусі адбыўся семінар-трэнінг па выкарыстанні інфармацыйна-прававой сістэмы (ІПС) “Эксперт”.
Рэсурс змяшчае электронныя версіі нарматыўна-прававых актаў па ўсіх галінах беларускага заканадаўства, міжнародныя пагадненні; формы тыпавых і прыкладных дагавораў; службовыя і рабочыя інструкцыі, інструкцыі па ахове працы, даведачныя матэрыялы для спецыялістаў арганізацый – бухгалтараў, юрыстаў, кіраўнікоў, кадравікоў, эканамістаў і інш.
У якасці спікераў былі запрошаны прадстаўнікі кампаніі “ЭкспертЦэнтр”, якія распавялі аб сістэме “Эксперт”, яе складніках і функцыянальных магчымасцях. Галоўнай часткай семінара стала навучанне працы з ІПС, дзе кожны ўдзельнік змог на практыцы пазнаёміцца з рэсурсам і задаць пытанні.
Нагадваем нашым чытачам, што доступ да інфармацыйна-прававой сістэмы “Эксперт”, а таксама цэлага шэрагу электронных рэсурсаў, якія змяшчаюць актуальную прававую інфармацыю, адкрыты ў зале прававой інфармацыі.
Запрашаем у Нацыянальную бібліятэку Беларусі!
Матэрыял пададзены аддзелам карпаратыўнага ўзаемадзеяння.