Выстава “Шэсць стагоддзяў гісторыі медыцыны і фармацыі ў рарытэтах Нацыянальнай бібліятэкі Беларусі” выклікала вялікую цікавасць у наведвальнікаў музея кнігі. Яе наведала больш за 7 000 чалавек.
Пазнавальнай стала экскурсія для школьнікаў і студэнтаў, якія абралі хіміка-біялагічны профіль для навучання. Удзячнымі гасцямі сталі вучні гімназіі № 27 г. Мінска.
Падлеткі даведаліся пра каштоўныя гербарыі з фонду НББ, убачылі падручнікі па анатоміі і хіміі XVIII–XIX стст., а таксама пазнаёміліся з аптэчным посудам і абсталяваннем.
Выстава будзе працаваць у музеі кнігі (пам. 347) да 31 ліпеня 2022 г.
Дата яе завяршэння можа быць зменена.
Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.
Тэлефоны для даведак: (8 017) 293 27 81, 293 27 22, 293 27 79.
Матэрыял пададзены навукова-даследчым аддзелам кнігазнаўства.
