12 студзеня ў рамках дзелавога візіту ў Рэспубліку Беларусь Нацыянальную бібліятэку Беларусі наведаў вядомы японскі журналіст Кунішу Нарыто.
Мэтай візіту журналіста з’яўляецца падрыхтоўка публікацый пра культуру Беларусі для сродкаў масавай інфармацыі Японіі і іншых краін – членаў ЮНЕСКА.
Спадара Кунішу Нарыто вітала Л.Г. Кірухіна, якая выконвае абавязкі дырэктара Нацыянальнай бібліятэкі Беларусі.
Для госця была арганізавана аглядная экскурсія па Нацыянальнай бібліятэцы Беларусі, падчас якой ён меў магчымасць азнаёміцца з асноўнымі кірункамі дзейнасці бібліятэкі, яе інфармацыйнымі рэсурсамі, тэхнічным аснашчэннем, сістэмай чытальных залаў і абслугоўвання чытачоў, сацыякультурнай дзейнасцю.